റിയാദിലെ താമസസ്ഥലത്ത് തമിഴ്‌നാട് സ്വദേശി മരിച്ച നിലയില്‍... തഞ്ചാവൂര്‍ അതിരംപട്ടിണം സ്വദേശി ശൈഖ് ദാവൂദ് (53) ആണ് ബത്ഹ ശാര റെയിലിലെ റൂമില്‍ മരിച്ചത്.

ഇക്കഴിഞ്ഞ ഞായറാഴ്ചക്ക് ശേഷം വിവരമൊന്നുമില്ലാതായതിനെ തുടര്‍ന്ന് സുഹൃത്തുക്കള്‍ അന്വേഷിച്ച് ചെന്നപ്പോള്‍ മുറിയിലെ കിടക്കയില്‍ മരിച്ച നിലയില്‍ കണ്ടെത്തിയത്. അന്ന് രാത്രി ഉറങ്ങാനായി കിടന്നതാണത്രെ. മുറിയില്‍ മറ്റാരുമുണ്ടായിരുന്നില്ല. മൃതദേഹം റിയാദില്‍ ഖബറടക്കും.


അതിനുള്ള ഔദ്യോഗിക നടപടികള്‍ പൂര്‍ത്തീകരിക്കാനുള്ള നടപടികള്‍ നടന്നു വരുന്നു. നൈന മൂസയാണ് ശൈഖ് ദാവൂദിന്റെ പിതാവ്. മാതാവ്: ജൈന ബീഗം, ഭാര്യ: ഖാദര്‍ നാസിയ,രണ്ടു മക്കളുണ്ട്