ബഹ്റൈനില്‍ കോഴിക്കോട് സ്വ​ദേശി ഹൃദയാഘാതം മൂലം മരിച്ചു. വടകര തിരുവള്ളുര്‍ സ്വദേശി നാറാണത്ത് അബ്‌ദുന്നാസർ (47) ആണ് ഹൃദയാഘാതത്തെ തുടര്‍ന്ന് മരിച്ചത്. 20 വർഷമായി ഇദ്ദേഹം ബഹ്റൈനിൽ ജോലി ചെയ്തുവരികയായിരുന്നു. ശനിയാഴ്ച രാത്രി മുഹറഖിലെ താമസസ്ഥലത്തുവെച്ചാണ് നെഞ്ചുവേദന അനുഭവപ്പെട്ടത്. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.  ഭാര്യ: മുംതാസ്. മക്കൾ: ആൽഫിയ, ഫറാസ് എന്നിവരാണ്.