സൗദിയിൽ ഹൃദയസ്തംഭനം മൂലം പ്രവാസി ഉറക്കത്തിൽ മരിച്ചു, തിരുവനന്തപുരം നഗരൂർ പോസ്‌റ്റ് ഓഫീസ് പരിധിയിലെ കൊടുവഴന്നൂർ സ്വദേശി ശശിധരൻ ബിജു (53) ആണ് മരിച്ചത്. റിയാദിൽ നിന്ന് 165 കിലോമീറ്ററകലെ മറാത്ത് പട്ടണത്തിൽ താമസസ്ഥലത്താണ് സംഭവം. രാത്രി ഉറങ്ങാൻ കിടന്ന ബിജു രാവിലെ ജോലിക്ക് പോകാൻ എഴുന്നേറ്റില്ല.

ഇതോടെ  സഹതാമസക്കാർ വിളിച്ചുണർത്താൻ ശ്രമിച്ചപ്പോൾ ശരീരം ചലനമറ്റ നിലയിലായിരുന്നു. കൂടെയുള്ളവർ പൊലീസിൽ വിവരം അറിയിക്കുകയും മരണം സ്ഥിരീകരിക്കുകയുമായിരുന്നു. ഭാര്യ: ചിന്നു. ഒരു കുട്ടിയുണ്ട്. മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾ ആരംഭിച്ചിട്ടുണ്ട്.