റുമേനിയയില്‍ നിന്നും നാട്ടിലേക്കുള്ള വിമാന യാത്രയ്ക്കിടെ യുവാവ് മരിച്ചു...
റുമേനിയയില്‍ നിന്നും നാട്ടിലേക്കുള്ള വിമാന യാത്രയ്ക്കിടെ യുവാവ് മരിച്ചു. പുതുക്കാട് ചെങ്ങാലൂര്‍ പാലപ്പറമ്പില്‍ ചന്ദ്രന്റെ മകന്‍ നിഷാദ്(34) ആണ് ഖത്തറില്‍ നിന്നും നെടുമ്പാശ്ശേരിയിലേക്കുള്ള യാത്രക്കിടെ വിമാനത്തില്‍ മരിച്ചത്.
റുമേനിയയില്‍ നിന്നും ഖത്തറില്‍ എത്തി വിമാനം മാറിക്കയറുകയായിരുന്നു നിഷാദ്. റുമേനിയയില്‍ ഫിറ്റര്‍ ജോലി ചെയ്യുന്ന നിഷാദ് മൂന്ന് മാസം മുമ്പാണ് നാട്ടില്‍ നിന്നും പോയത്. സുഖമില്ലാത്തതിനാല്‍ ചികിത്സക്കായാണ് നിഷാദ് നാട്ടിലേക്ക് തിരികെ വന്നത്. ഞായറാഴ്ച പകല്‍ 10 ന് എത്തുന്ന ഖത്തര്‍ എയര്‍വെയ്സില്‍ താന്‍ എത്തുമെന്ന് ബന്ധുക്കളെ നിഷാദ് അറിയിച്ചിട്ടുണ്ടായിരുന്നു.
ഇതേ തുടര്‍ന്ന് ആംബുലന്‍സുമായി കാത്ത് നിന്ന ബന്ധുക്കളെ തേടി നിഷാദിന്റെ മരണ വാര്‍ത്തയാണ് എത്തിയത്. മൃതദേഹം പോസ്റ്റ്‌മോര്‍ട്ടത്തിന് ശേഷം സംസ്‌കരിക്കും. ഭാര്യ അതുല്യ, മകള്‍ ജാനകി (രണ്ടര വയസ്), മാതാവ് തങ്കമണി, ഒരു സഹോദരിയുണ്ട്.
"
https://www.facebook.com/Malayalivartha
