സൗദി അറേബ്യയില്‍ മലയാളി യുവാവിനെ തൂങ്ങി മരിച്ച നിലയില്‍ കണ്ടെത്തി. കൊല്ലം മനപ്പള്ളി നോര്‍ത്ത് സ്വദേശിയായ രാജേഷാണ് ജീവനൊടുക്കിയത്. 43 വയസ്സായിരുന്നു.

ബിഷയിലെ താമസ സ്ഥലത്താണ് തൂങ്ങി മരിച്ച നിലയില്‍ കണ്ടെത്താനായത്. സൗദിയില്‍ ടൈല്‍സ് പതിക്കുന്ന ജോലി ചെയ്തുവരികയായിരുന്നു. കഴിഞ്ഞ ദിവസം സുഹൃത്തുക്കള്‍ ജോലി കഴിഞ്ഞ് തിരിച്ചെത്തിയപ്പോള്‍ താമസിക്കുന്ന സ്ഥലത്തുള്ള മുരിങ്ങ മരത്തില്‍ തൂങ്ങി മരിച്ച നിലയിലാണ് രാജേഷിനെ കണ്ടെത്തിയത്.


സുഹൃത്തുക്കള്‍ എല്ലാവരും ചേര്‍ന്ന് ഉടന്‍ തന്നെ ആംബുലന്‍സ് വിളിക്കുകയും ബിഷാ കിങ് അബ്ദുല്ല ഹോസ്പിറ്റലിലേക്ക് മൃതദേഹം മാറ്റുകയും ചെയ്തു. മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു. പിതാവ് : ?ഗോപിനാഥ്, മാതാവ്: പൊന്നമ്മ. രമയാണ് ഭാര്യ. ഒരു മകനുണ്ട്.