സങ്കടക്കാഴ്ചയായി... ഭാര്യക്കൊപ്പം ഉംറക്കെത്തിയ മലപ്പുറം സ്വദേശി ജിദ്ദയില്‍ ഹൃദയാഘാതത്തെ തുടര്‍ന്ന് നിര്യാതനായി. മലപ്പുറം പൂക്കോട്ടൂര്‍ പാണമ്പുഴ ഇബ്രാഹിം (59) ആണ് മരിച്ചത്.

ഈ മാസം 2ന് നാട്ടിലേക്ക് മടങ്ങാനിരിക്കെയാണ് മരണപ്പെട്ടത്. ജിദ്ദയിലെ സ്വകാര്യ ആശുപത്രിയിലായിരുന്നു അന്ത്യം. മൃതദേഹം ജിദ്ദയില്‍ ഖബറടക്കുന്നതാണ്. ഭാര്യ: ഖദീജ. മക്കള്‍: ജംഷീര്‍ അലി, അനീസ (ഇരുവരും ജിദ്ദ), ജസീറ. മരുമക്കള്‍: സാലിഹ് ഇരുമ്പുഴി (ജിദ്ദ), ജൂന ജൂബി.