ഖത്തര്‍ സ്‌ഫോടനത്തില്‍ മരണമടഞ്ഞവരില്‍ 5 ഇന്ത്യാക്കാര്‍
ഖത്തറിന്റെ തലസ്ഥാനമായ ദോഹയില്‍ കഴിഞ്ഞ വ്യാഴാഴ്‌ച ഒരു ടര്‍ക്കിഷ്‌ റസ്റ്റോറന്റിലുണ്ടായ സ്‌ഫോടനത്തില്‍ 11 പേര്‍ മരിച്ചിരുന്നു. അതില്‍ 5 ഇന്ത്യാക്കാരുണ്ടെന്ന്‌ സ്ഥിരീകരിച്ചു. കിഴക്കേമാനോലില്‍ റിയാസ്‌ , അബ്‌ദുള്‍സലീം പാലങ്ങാട്‌ എന്‌#ീ മലയാളികളെ അപകടദിവസം തന്നെ തിരിച്ചറിഞ്ഞിരുന്നു .
പടിഞ്ഞാറേ ആനക്കണ്ടി സക്കറിയ, ഷെയ്‌ഖ്‌ ബാബു, വെങ്കിടേഷ്‌ എന്നിവരാണ്‌ മറ്റു ഇന്ത്യാക്കാര്‍ . നാലു നേപ്പാള്‍ സ്വദേശികളും ഫിലിപ്പീന്‍സുകാരായ രണ്ടു പേരും മരണമടഞ്ഞവരില്‍ പെടുന്നു. പാകിസ്ഥാന്‍ സ്വദേശികള്‍ ഉള്‍പ്പെടെ പരിക്കേറ്റ 10 പേര്‍ ഇപ്പോഴും ചികിത്സയിലാണ്‌ . രണ്ടു കുട്ടികള്‍ ഉള്‍പ്പെടുന്ന ഇവരില്‍ ഒരു ഇന്ത്യാക്കാരന്‍ ഉണ്ട്‌ .
മൃതദേഹങ്ങള്‍ നാട്ടിലെത്തിക്കാനുള്ള ശ്രമത്തിലാണെന്ന്‌ അംബാസഡര്‍ സഞ്‌ജീവ്‌ അറോറ പറഞ്ഞു.
റസ്റ്റോറന്റിന്റെ മേല്‍ക്കൂരയിലുണ്ടായിരുന്ന ഗ്യാസ്‌ ടാങ്ക്‌ പൊട്ടിത്തെറിച്ച്‌ തീപിടിച്ചാണ്‌ വന്‍ അപകടമുണ്ടായത്‌ .
https://www.facebook.com/Malayalivartha
