കിഴക്കന്‍ സൗദിയിലെ ജുബൈല്‍ നഗരത്തിലെ ജയിലില്‍ നാല്പതു ഇന്ത്യക്കാര്‍ തടവുകാരായി കഴിയുന്നതായി അറിവായി. ഇന്ത്യന്‍ എംബസിയുടെ പ്രതിനിധി മുഹമ്മദ് ഇംദാദ് ആലം ജയില്‍ സന്ദര്‍ശിച്ചപ്പോഴാണ് ഇക്കാര്യം അറിയാന്‍ സാധിച്ചത്.

മൂന്ന് മണികൂറിലേറെ നേരം ദീര്‍ഘിച്ച സന്ദര്‍ശനത്തില്‍ സന്നദ്ധ പ്രവര്‍ത്തകരായ ശംസുദ്ധീന്‍ ചെട്ടിപ്പടി, സൈഫുധീന്‍ എന്നിവര് എംബസിയെ പ്രതിനിധിയെ അനുഗമിച്ചു.
റോഡപകടം മുതല്‍ മദ്യവില്‍പന, അധാര്‍മിക പ്രവര്‍ത്തികള്‍, സമരം, മോഷണം, അടിപിടി തുടങ്ങിയ കേസുകളിലെ പ്രതികളാണ്
ഇവര്‍. മൂന്ന് പേര് കൊലക്കേസിലെ പ്രതികളും ഒരാള്‍ കൊലപാതകത്തില്‍ കൂട്ടുപ്രതിയുമാണ്.