മാര്‍ ഇവാനിയോസ് തിരുമേനിയുടെ 60-മത് ഓര്‍മ്മതിരുന്നാള്‍
മലങ്കര കത്തോലിക്ക സഭയുടെ മാര്‍ ഇവാനിയോസ് മെത്രാപ്പൊലീത്തയുടെ 60-ാം ഓര്‍മ്മപ്പെരുന്നാള്‍ ന്യൂയോര്‍ക്കില്‍ മലങ്കര കാത്തലിക് എക്‌സാര്‍ക്കേറ്റിന്റെ ആസ്ഥാനത്തുവെച്ച് ആചരിച്ചു. ജൂലായ് 14 ന് രാവിലെ 9.30 ന് തിരുവല്ല അതിഭദ്രാസന മെത്രാപ്പൊലീത്ത, തോമസ് മാര്‍ കൂറിലോസിന്റെ പ്രധാന കാര്‍മ്മികത്വത്തില്‍ ദിവ്യബലി അര്‍പ്പിച്ചു.
തോമസ് മാര്‍ യൂസേബിയോസ്, ഫാ.അഗസ്റ്റിന്‍ മംഗലത്ത്, ഫാ.സത്യന്‍ ആന്റണി, ഫാ.എബ്രഹാം ലൂക്കോസ്, ഫാ.സണ്ണി മാത്യു കാരുവില, ഫാ.വിന്‍സെന്‍ സിഎം., ഫാ.മൈക്കിള്‍ ഇടത്തില്‍ എന്നിവര്‍ സഹകാര്‍മ്മികത്വം വഹിച്ചു. തുടര്‍ന്ന് ധൂപ പ്രാര്‍ത്ഥനയും നേര്‍ച്ചവിളമ്പും നടന്നു. വി.കുര്‍ബാനക്കുശേഷം നടത്തിയ അനുസ്മരണ മീറ്റിംഗില്‍ ഫാ.ബോബി ജോസ് കട്ടിക്കാട് അനുസ്മരണ പ്രസംഗം നടത്തി. എക്‌സാര്‍ക്കേറ്റ് മേലധ്യക്ഷന്‍ തോമസ് മാര്‍ യൂസേബിയോസ് നന്ദി പറഞ്ഞു. തുടര്‍ന്ന് നടന്ന സ്‌നേഹവിരുന്നിലും എല്ലാവരും പങ്കെടുത്തു.
വാര്‍ത്ത അയച്ചത് : മോഹന്‍ വര്‍ഗീസ്‌
https://www.facebook.com/Malayalivartha
