മലങ്കര ഓര്‍ത്തഡോക്‌സ് സഭ നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി ആന്റ് യൂത്ത് കോണ്‍ഫറന്‍സിനോടനുബന്ധിച്ച് പ്രസിദ്ധീകരിക്കുന്ന സ്മരണികയുടെ ക്യാമ്പയിന്‍ കിക്കോഫ് ഫിലഡല്‍ഫിയ സെന്റ് തോമസ് ഓര്‍ത്തഡോക്‌സ് ഇടവകയില്‍ നടന്നു. ജന.സെക്രട്ടറി ഡോ.ഫിലിപ്പ് ജോര്‍ജില്‍ നിന്നും രജിസ്‌ട്രേഷന്‍ ഫോം ഏറ്റുവാങ്ങി വികാരി ഫാ.എം.കെ.കുര്യാക്കോസ് ക്യാമ്പയിന്‍ കിക്കോഫ് ഉദ്ഘാടനം ചെയ്തു. 
ഏബ്രഹാം മാര്‍ സെറാഫിം മെത്രാപ്പൊലീത്തായുടെ സാന്നിധ്യം യോഗത്തിന് അനുഗ്രഹപ്രഭ ചൊരിഞ്ഞു. സുവനീര്‍ എഡിറ്റര്‍ ബെന്നി വര്‍ഗീസ് പ്രസംഗിച്ചു. ഫാ.ഗീവര്‍ഗീസ് ജോണ്‍, രാജന്‍ പടിയറ, തോമസ് ജോര്‍ജ്, രഞ്ജിത്ത് ഐസക്, എം.വി.കുര്യാക്കോസ് എന്നിവരും പങ്കെടുത്തു.