സ്വന്തം കുട്ടിയെ ഭര്‍ത്താവില്‍ നിന്ന് ബലം പ്രയോഗിച്ച് കടത്തികൊണ്ടുപോയ ഇന്ത്യന്‍ വംശജ എട്ട് വര്‍ഷത്തിന് ശേഷം അമേരിക്കയില്‍ അറസ്റ്റില്‍. മകന്‍ ഡ്രൂ ഡ്രീസിനെ ഇന്ത്യയിലേക്ക് കടത്തികൊണ്ടു പോയതിനാണ് ഇന്ത്യന്‍ വംശജ പത്മാഷിനി ദേവിയെ (38) ഡല്ലാസ് ഫോര്‍ട്ട് വര്‍ത്ത് എയര്‍പോര്‍ട്ടില്‍  വച്ച് പോലീസ് അറസ്റ്റ് ചെയതത്. എട്ടു വര്‍ഷത്തിനു ശേഷം മകനൊപ്പം അമേരിക്കയില്‍ തിരികെ എത്തിയപ്പോഴായിരുന്നു അറസ്റ്റ്. മുന്‍ ഭര്‍ത്താവ് ഡീന്‍ ജയിംസ് ഡ്രീസ് നല്‍കിയ പരാതിയിലാണ് യുവതിയുടെ അറസ്റ്റ്.

2006 ല്‍ ഡ്രൂവിന് രണ്ടു വയസ്സുള്ളപ്പോഴാണ് പത്മാഷിനി ദേവി കുട്ടിയെ  ഇന്ത്യയിലേക്ക് കടത്തികൊണ്ടുപോയത്. 2007 ജനുവരി 10ന് അമേരിക്കയില്‍ പോലീസ് ഇവര്‍ക്കെതിരെ അറസ്റ്റ് വാറന്റ് പുറവെടുപ്പിച്ചിരുന്നു. മകനോടൊപ്പം പത്മാഷിനി ദേവി അമേരിക്കയിലേക്ക് തന്നെ തിരിച്ചുവരാന്‍ സാധ്യതയുണ്ടെന്ന് മനസിലാക്കിയ പോലീസ് എയര്‍പോര്‍ട്ടില്‍വെച്ച് തന്നെ ഇവരെ പിടികൂടുകയായിരുന്നു. അമ്മയില്‍ നിന്നും കുട്ടിയെ വീണ്ടെടുത്ത പോലീസ് കുട്ടിയെ പിതാവിന് വിട്ടു നല്‍കി. തുടര്‍ന്ന് 10000 യുഎസ് ഡോളറിന്റെ ജ്യാമത്തില്‍ പോലീസ് പത്മാഷിനി ദേവിയെ വിട്ടയക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha