പ്രവാസി മലയാളി ഫെഡറേഷന്‍ ഗ്രാജുവേറ്റ്‌സിന് സ്വീകരണം
സണ്ണിവെയ്ല്‍, മസ്‌കിറ്റ് ഇന്‍ഡിപെന്‍ഡന്റ് സ്‌കൂള്‍ ജില്ലകളില്‍ നിന്നും ഹൈസ്‌കൂള്‍ ഗ്രാജുവേറ്റുകളില്‍ ഉന്നത വിജയം നേടിയ മലയാളി വിദ്യാര്‍ത്ഥികള്‍ക്ക് പ്രവാസി മലയാളി ഫെഡറേഷന്‍ സ്വീകരണം നല്‍കി ആദരിച്ചു.
ഗാര്‍ലന്‍ഡ് ഇന്ത്യാ ഗാര്‍ഡന്‍സില്‍ പി.എം.എഫ്. ഡാലസ് യൂണിറ്റ് സംഘടിപ്പിച്ച സ്വീകരണയോഗത്തില്‍ കവിയും നിരൂപകനുമായ പി.പി.ശ്രീധരനുണ്ണി മുഖ്യാതിഥിയായിരുന്നു. സ്വീകരണ സമ്മേളനത്തില്‍ യൂണിറ്റ് പ്രസിഡന്റ് തോമസ് രാജന്‍ അധ്യക്ഷത വഹിച്ചു.
പി.പി.ചെറിയാന്‍, ഷാജു രാമപുരം എന്നിവര്‍ ആശംസാപ്രസംഗം നടത്തി. തുടര്‍ന്ന് മുഖ്യാതിഥി ഹൈസ്‌കൂളില്‍ നിന്നും ഒന്നും രണ്ടും സ്ഥാനങ്ങള്‍ നേടിയ ജോഷ്വ ജോര്‍ജ്, സ്‌റ്റെഫി വിജു, ജോസഫ് ഫ്രാന്‍സിസ്, ജോയല്‍ ലൂക്കോസ്, സ്‌റ്റെല്ല വിജു, അഞ്ചല കോശി എന്നിവര്‍ക്ക് അവാര്‍ഡുകള്‍ വിതരണം ചെയ്തു. തുടര്‍ന്ന് വിദ്യാര്‍ത്ഥികള്‍ മറുപടിപ്രസംഗവും സിജു വി ജോര്‍ജ് സ്വാഗതവും രാജന്‍ മേപ്പുറം നന്ദിയും അറിയിച്ചു.
https://www.facebook.com/Malayalivartha
