ഉത്സവയാനം ഓഗസ്റ്റ്‌ 17ന്‌
സിഡ്‌നിയില്‍ സംഗീത സൗഹൃദ സംഘം അവതരിപ്പിക്കുന്ന സംഗീത വിരുന്ന്‌ ഉത്സവയാനം ഓഗസ്റ്റ്‌ 17ന്‌ വൈകുന്നേരം ആറിന്‌ നടക്കും. തിരുവനന്തപുരം ശ്രീപത്മനാഭ സ്വാമി ക്ഷേത്രത്തിലെ ഉത്സവത്തോടനുബന്ധിച്ച്‌ നടത്തുന്ന എഴുന്നള്ളത്തിനുവേണ്ടി സ്വാതി തിരുനാള്‍ രചിച്ച കൃതികളാണ്‌ വേദിയില്‍ ആവിഷ്‌കരിക്കപ്പെടുന്നത്‌. സിഡ്‌നിയിലെ ഡണ്‍ഡസ്‌ കമ്യൂണിറ്റി ഹാളിലാണ്‌ പരിപാടി അരങ്ങേറുന്നത്‌. ഉത്സവ പ്രബന്ധകൃതികള്‍ എന്നറിയപ്പെടുന്ന രചനകള്‍ മണിപ്രവാള ഭാഷയിലാണ്‌ രചിക്കപ്പെട്ടിരിക്കുന്നത്‌. ഇന്ത്യന്‍ സംഗീതത്തില്‍ ബിരുദാനന്തര ബിരുദവും ഡോക്‌ടറേറ്റും നേടിയിട്ടുള്ള ഡോ. സ്‌മിത ബാലുവാണ്‌ കൃതികള്‍ ആലപിക്കുന്നത്‌. ഒപ്പം വയലിനില്‍ ക്രാന്തി കിരണ്‍ മുടികൊണ്ടയും മൃദംഗത്തില്‍ ശുഭാംഗന്‍ നിര്‍മ്മലാനന്ദനും അനുധാവനം ചെയ്യും. ഈ കൃതികളുടെ മോഹിനിയാട്ട ആവിഷ്‌കരണം പ്രശസ്‌ത നര്‍ത്തകി ഡോ. ലളിത വെങ്കട്ടരാമന്‍ നൃത്താവിഷ്‌കാരം നടത്തും.
https://www.facebook.com/Malayalivartha
