ടെലിവിഷന്‍ അവതാരിക ഷാര്‍ലറ്റ്‌ മരിച്ച നിലയില്‍
ഓസ്‌ട്രേലിയന്‍ ടെലിവിഷന്‍ അവതാരികയും മുന്‍ മോഡലുമായ ഷാര്‍ലറ്റ്‌ (47 ) ഡൗസനെ സിഡ്‌നിയിലെ ഫ്‌ളാറ്റില്‍ മരിച്ച നിലയില്‍ കണ്ടെത്തി. വിഷാദ രോഗത്തിന്‌ അടിമപ്പെട്ടിരുന്ന ഷാര്‍ലറ്റ്‌ 2012 ല്‍ സെന്റ്‌ വിന്‍സെന്റസ്‌ ആശുപത്രിയില്‍ ചികിത്സനേടിയിരുന്നതായി മാധ്യമങ്ങളില്‍ വാര്‍ത്തയായിരുന്നു. കഴിഞ്ഞ വര്‍ഷം അവര്‍ നല്‍കിയ അഭിമുഖത്തില്‍ ഇക്കാര്യം പറഞ്ഞിരുന്നു.
പ്രാദേശിക സമയം ശനിയാഴ്‌ച രാവിലെ 11.15 ഓടെയാണ്‌ ഷാര്‍ലറ്റിന്റെ മൃതദേഹം കണ്ടെത്തിയത്‌. മരണത്തില്‍ ദൂരൂഹതയില്ലെന്ന്‌ പോലീസ്‌ അറിയിച്ചു.
ന്യൂസിലന്റ്‌ സ്വദേശിയാണ്‌ ഷാര്‍ലറ്റ്‌ . ഇവര്‍ മുന്‍ ഒളിമ്പിക്‌ നീന്തല്‍ താരം സ്‌കോട്ട്‌ മില്ലറെയാണ്‌ വിവാഹം കഴിച്ചിരിക്കുന്നത്‌ . ആസ്‌ട്രേലിയയിലെ പ്രശസ്‌തമായ നെക്‌സ്‌ ടോപ്‌ മോഡല്‍ മത്സരത്തിലെ ജഡ്‌ജ്‌, വുമണ്‍ടുഡേയുടെ ഫാഷന്‍ എഡിറ്റര്‍ , ന്യൂ ഐഡിയയുടെ സ്റ്റെല്‍ എഡിറ്റര്‍ എന്നീ നിലകളില്‍ പ്രവര്‍ത്തിക്കുകയും ചെയ്‌തിരുന്നു.
https://www.facebook.com/Malayalivartha
