ജീവകാരുണ്യ രംഗത്ത് പ്രവര്‍ത്തിക്കുന്ന പുലരി എന്ന സംഘടനയുടെ വാര്‍ഷികവും സ്‌റ്റേജ് ഷോയും ശ്രദ്ധേയമായി.
നോബിള്‍ പാര്‍ക്ക് സെക്കന്ററി കോളേജില്‍ വെച്ച് നടന്ന ചടങ്ങ് നാട്യസുധാ ഡാന്‍സ് ട്രൂപ്പ് മേധാവി താരാ രാജ്കുമാര്‍ ഉദ്ഘാടനം ചെയ്തു. ജൂഡ് പെരേര എം.പി മുഖ്യാതിഥിയായിരുന്നു. ഡോ.വിനോദ് കുമാറും സന്നിഹിതനായിരുന്നു.
പുലരി കിഡ്‌സ് ക്ലബ്ബിലെ കുട്ടികള്‍ അവതരിപ്പിച്ച സ്‌ക്രിപ്റ്റും ഒരു പറ്റം കുട്ടികള്‍ വിവിധ വര്‍ണ്ണത്തിലും വേഷത്തിലും നടത്തിയ നൂതനമായ ഡാന്‍സും അരങ്ങേറി. ഇതുവരെ ചെയ്തിട്ടുള്ള ജീവകാരുണ്യ പ്രവര്‍ത്തനങ്ങളും അടുത്ത ഒരു വര്‍ഷത്തെ റിപ്പോര്‍ട്ടും അവതരിപ്പിച്ചു. 

വാര്‍ത്ത അയച്ചത് : ജോസ് എം ജോര്‍ജ്‌