മെല്‍ബണില്‍ സ്റ്റാര്‍ നൈറ്റ് മെഗാ ഷോ ജൂണ്‍ 14ന്
മെല്‍ബണ്‍ മലയാളി ഫെഡറേഷനും നന്മയും ചേര്‍ന്ന്‌ ഒരുക്കുന്ന സ്റ്റാര്‍ നൈറ്റ് മെഗാ ഷോ ജൂണ്‍ 14ന് വൈകുന്നേരം 6.30ന് ക്ലേയ്‌റ്റണ്‍ മോണാവ്‌ യൂണിവേഴ്‌സിറ്റിയുടെ റോബര്‍ട്ട്‌ ബ്ലാക്‌ വുഡ്‌ ഹാളില്‍ നടക്കും.
സിനിമാ, നൃത്ത, ഹാസ്യ രംഗത്തെ കേരളത്തിലെ പ്രമുഖരുടെ ഒരു നീണ്ട നിര തന്നെ ഈ സ്റ്റാര്‍ നൈറ്റില്‍ എത്തും. പ്രമുഖ ഇന്ത്യന്‍ സിനിമയിലെ ക്ലാസിക്കല്‍ ഡാന്‍സര്‍ വിനീത്‌, മാടമ്പി എന്ന സിനിമയിലൂടെ രംഗപ്രവേശനം ചെയ്‌ത പ്രമുഖ വനിതാ കൊമേഡിയന്‍ , ക്ലാസിക്കല്‍ സിനിമാറ്റിക്‌ ഡാന്‍സിലെ കൃഷ്‌ണപ്രഭ, നടി ഭാവന, പ്ലേബാക്ക്‌ സിംഗര്‍ മൃദുല വാര്യര്‍, കലാഭവന്‍ നവാസ്‌, അമേരിക്ക, യൂറോപ്പ്‌, ഗള്‍ഫ്‌ നാടുകള്‍ എന്നിവിടങ്ങളിലായി ആയിരത്തോളം സ്റ്റേജ്‌ ഷോ നടത്തി ജനഹൃദയങ്ങളില്‍ ചിരിയുടെ മാലപടക്കം തീര്‍ക്കുന്ന കോട്ടയം നസീര്‍, നടന്‍ സിദ്ധിഖ്‌, ഭക്തിഗാനങ്ങളിലൂടെ പ്രശസ്‌തനായ അനൂപ്‌ ശങ്കര്‍, പ്രശസ്ത കലാകാരന്‍ അബാസ്‌ തുടങ്ങിയവരുടെ പുതുമയാര്‍ന്ന ഒരു സ്റ്റേജ്‌ ഷോയാണ്‌ മെല്‍ബണില്‍ നടക്കുന്നത്‌.
ഷോയുടെ ടിക്കറ്റുകള്‍ക്ക്‌ 0401865790, 0401615829, 0411221382 എന്ന നമ്പരുകളില്‍ ബന്ധപ്പെടണമെന്ന്‌ സംഘാടകര്‍ അഭ്യര്‍ഥിച്ചു.
റിപ്പോര്‍ട്ട്‌: ഡോ. ഷാജി വര്‍ഗീസ്‌
https://www.facebook.com/Malayalivartha
