ബ്രിസ്‌ബേനില്‍ തോമാശ്ലീഹയുടെ തിരുനാള്‍
ബ്രിസ്‌ബേന്‍ സെന്റ് തോമസ് കാത്തലിക് കമ്യൂണിറ്റി മധ്യസ്ഥന്‍ വിശുദ്ധ തോമാ ശ്ലീഹയുടെ ഓര്‍മ്മത്തിരുനാള്‍ ജൂലായ് അഞ്ച് ശനി വൈകീട്ട് മൂന്നിന് ബ്രിസ്‌ബേനിലെ അനേര്‍ലിയിലുള്ള മേരി ഇമ്മാക്കുലേറ്റ് പള്ളിയില്‍ നടത്തും. നിരവധി ഭക്തിഗാനങ്ങളുടെ രചനയും സംഗീതവും നിര്‍വഹിച്ചിട്ടുള്ള ഫാ. ഷാജി തുമ്പേച്ചിറയില്‍ ദിവ്യബലിയില്‍ മുഖ്യകാര്‍മിതക്വം വഹിക്കും. ബ്രിസ്‌ബേനില്‍ സേവനം അനുഷ്ഠിക്കുന്ന സീറോ മലബാര്‍ വൈദികര്‍ സഹകാര്‍മികര്‍ ആയിരിക്കും.
ബ്രിസ്‌ബേന്‍ സൗത്ത്, നോര്‍ത്ത് ഇസ്പിച്ച്, ബീന്‍ലി, ഗോള്‍ഡ് കോസ്റ്റ്, സ്പ്രിങ് ഫീല്‍ഡ്, റെഡ് ക്ലിഫ് തുടങ്ങിയ കമ്യൂണിറ്റികളിലെ വിശ്വാസികള്‍ പങ്കെടുക്കും. വൈകീട്ട് മൂന്നിന് ഫാ. തോമസ് അരീക്കുഴി കൊടിയേറ്റ് നടത്തും. കിരുസ്വരൂപങ്ങള്‍ വഹിച്ചുകൊണ്ട് വാദ്യഘോഷങ്ങളുടെ അകമ്പടിയോടെ വിശ്വാസികള്‍ പ്രദക്ഷിണം നടത്തും. തുടര്‍ന്ന് ലദീഞ്ഞും സ്‌നേഹവിരുന്നും നടത്തും. വൈകീട്ട് 7.30 മുതല്‍ ഫാ. തുമ്പേച്ചിറയില്‍ സാക്ഷാത്കരിക്കുന്ന ജീസസ് ദി സേവ്യര്‍ എന്ന മെഗാ ലൈറ്റ് ഷോ ഉണ്ടാവും.
https://www.facebook.com/Malayalivartha
