സിഡ്‌നിയില്‍ സി.എസ്.ഐ.ആരാധന
മെല്‍ബണ്‍, ബ്രിസ്‌ബെന്‍, അഡലെയ്ഡ് എന്നിവിടങ്ങളിലെ ആരാധനകള്‍ക്ക് പുറമെ സി.എസ്.ഐ.സഭാംഗങ്ങള്‍ സിഡ്‌നിയില്‍ ആരാധനയ്ക്കായി ഒത്തുകൂടുന്നു.
ജൂലായ് 19 ന് 4 മണിക്ക് വരമാറ്റയിലുള്ള ഓള്‍ സെയിന്റ്‌സ് ആംഗ്ലിക്കന്‍ ദേവാലയത്തില്‍ വെച്ച് സിഡ്‌നിയിലെ ആദ്യ വി.കുര്‍ബാനയ്ക്ക് സി.എസ്.ഐ. സഭയുടെ ഡെപ്യൂട്ടി മോഡറേറ്റര്‍ തോമസ് കെ ഉമ്മന്‍ തിരുമേനി നേതൃത്വം നല്‍കും.
ജോബി ജോണിന്റെ അധ്യക്ഷതയിലും നേതൃത്വത്തിലും നടന്ന സിഡ്‌നിയിലെ യോഗത്തില്‍ വെച്ചാണ് സഭാംഗങ്ങള്‍ ഒത്തുചേരുന്നതിനെക്കുറിച്ചുള്ള തീരുമാനം എടുത്തത്. ജൂലായ് 19 ന് ആരാധനയ്ക്ക് ശേഷം സി.എസ്.ഐ.സഭയുടെ ഡെപ്യൂട്ടി മോഡറേറ്ററായി തിരഞ്ഞെടുക്കപ്പെട്ട അഭിവന്ദ്യ തിരുമേനിക്ക് സ്വീകരണം നല്‍കും. സഭാംഗങ്ങളുടെ സിഡ്‌നിയിലെ കൂടിവരവിന് ജോണ്‍ ജേക്കബ്, ബിജോ, ബിജു കുര്യന്‍, ബോണി, റോയി, സുജില്‍, റ്റിമി എന്നിവര്‍ നേതൃത്വം നല്‍കിവരുന്നു.
https://www.facebook.com/Malayalivartha
