ന്യൂസിലാന്‍ഡില്‍ വിശ്വാസ പരിശീലനക്യാമ്പ് നടത്തി
ഓക്‌ലാന്‍ഡ് സീറോ മലബാര്‍ മിഷന്‍ സണ്‍ഡെ സ്‌കൂളിന്റെ ആഭിമുഖ്യത്തില്‍ 1 മുതല്‍ 12 വരെ ക്ലാസിലെ കുട്ടികള്‍ക്കായി നടത്തിയ ശിശിരകാല വിശ്വാസപരിശീലന ക്യാമ്പ് വിജയകരമായി അവസാനിച്ചു. എല്ലസ്ലി കാത്തലിക് പള്ളിയില്‍ വെച്ചാണ് തുടര്‍ച്ചയായ ഏഴാം വര്‍ഷം ഈ ക്യാമ്പ് നടത്തപ്പെട്ടത്. 125ഓളം കുട്ടികള്‍ ക്യാമ്പില്‍ പങ്കെടുത്തു.
ഫാ.ജോയി തോട്ടങ്കര, ഫാ.ജോബിന്‍ വന്യംപറമ്പില്‍, ബിജു ജോര്‍ജ്, ജോസ് ജോസഫ്, ലോട്ടസ് റെജി, ലിസാ ജോണ്‍സണ്‍, ടീനാ തോമസ്, ജോമിനി ജോസ്, നിഷി ജോസഫ് എന്നിവര്‍ വിവിധ ക്ലാസുകള്‍ നയിച്ചു.
ആക്ഷന്‍ സോംഗുകളും, വിവിധ മത്സരങ്ങളും, കളികളും മറ്റ് ആക്ടിവിറ്റികളും ക്യാമ്പില്‍ നടന്നു. സബ്ജൂനിയര്‍, ജൂനിയര്‍, സീനിയര്‍ എന്നീ മൂന്നു വിഭാഗങ്ങളിലായി തിരിച്ചാണ് ക്ലാസുകള്‍ നടത്തപ്പെട്ടത്. ഓരോ വിഭാഗത്തില്‍ നിന്നും 4 പേരെ വീതം മികച്ച ക്യാമ്പംഗങ്ങളായി തിരഞ്ഞെടുത്ത് സമ്മാനങ്ങള്‍ നല്‍കി.
മൂന്നു ദിവസങ്ങളിലായി നടത്തപ്പെട്ട വിവിധ മത്സരങ്ങളില്‍ ജൂലിയറ്റ് സെബാസ്റ്റ്യന്റെ നേതൃത്വത്തിലുള്ള ടീം ഒന്നാം സ്ഥാനവുംആമ്പു സാബുവിന്റെ നേതൃത്വത്തിലുളഅള ടീം രണ്ടാം സ്ഥാനവും നേടി. സണ്‍ഡെസ്‌കൂള്‍ ഹെഡ്മാസ്റ്റര്‍ റെജി ചാക്കോ, ഷാലി ക്ലമന്റ്, സ്മിതാ ഷാജി, ലിജി ടോമി, റിയാ കോശി, മേരിപോള്‍, റിനി സജീവ് എന്നീ അധ്യാപകരും യൂത്ത് അംഗങ്ങളും മാതാപിതാക്കളും ക്യാമ്പിന് നേതൃത്വം നല്‍കി.
https://www.facebook.com/Malayalivartha
