ഒ.ഐ.സി.സി. ഓസ്‌ട്രേലിയയുടെ നേതൃത്വത്തില്‍ മെല്‍ബണില്‍ വെച്ചു നടക്കുന്ന ഇന്ത്യന്‍ സ്വാതന്ത്ര്യദിനാഘോഷത്തിനായുള്ള ഒരുക്കങ്ങള്‍ പൂര്‍ത്തിയായി. ആഗസ്ത് 24 ന് വൈകീട്ട് 4 മണി മുതല്‍ വിവിധ കലാപരിപാടികളോടെ സ്വാതന്ത്ര്യദിനാഘോഷം നോബിള്‍ പാര്‍ക്ക് സെക്കണ്ടറി കോളേജ് ഹാളില്‍ വെച്ച് നടത്താന്‍ തീരുമാനിച്ചു. [3 Callaghan Street, Noble Park, VIC] പരിപാടികളില്‍ മുഖ്യ അതിഥികളായി കേരളത്തില്‍ നിന്നുള്ള കെ.പി.സി.സി. ഭാരവാഹികള്‍, മെല്‍ബണിലെ സാമൂഹിക സാംസ്‌കാരിക പ്രമുഖര്‍ സംഘടന നേതാക്കള്‍ എന്നിവര്‍ പങ്കെടുക്കുന്നു.
പരിപാടികളുടെ വിപുലമായ നടത്തിപ്പിനായി ഒ.ഐ.സി.സി. ഓസ്‌ട്രേലിയയുടെ ആഭിമുഖ്യത്തില്‍ സ്വാഗതസംഘം രൂപീകരിച്ചു. സി.പി.സാജുവിന്റെ അധ്യക്ഷതയില്‍ കൂടിയ യോഗത്തില്‍ ജിജേഷ് പി.വി.ചെയര്‍മാനായും സോബന്‍ തോമസ് ജന.കണ്‍വീനറായും ഡോ.ബിജു മാത്യു വൈ.ചെയര്‍മാനായും 51 അംഗ സ്വാഗതസംഘം രൂപീകരിച്ചു. രക്ഷാധികാരികളായി സി.പി.സാജു, ബൈജു ഇളഞ്ഞിക്കുടി, ബിജു സ്‌കറിയ എന്നിവരെയും സബ്കമ്മിറ്റി ചെയര്‍മാന്മാരായി ഹൈനസ് ബിനോയി(ഫിനാന്‍സ്), അരുണ്‍ പാലയ്ക്കലോടി(പ്രോഗ്രാം), ജോമോന്‍ ജോസഫ്(ഫുഡ് ആന്റ് അക്കൊമഡേഷന്‍) ജോസഫ് പീറ്റര്‍ (സ്റ്റേജ് ആന്റ് ഡെക്കറേഷന്‍) എന്നിവരെയും കണ്‍വീനര്‍മാരായി അനില്‍ ജെയിംസ്, ജിജോ ജോസ്, ഷൈജു ദേവസി, മനു പി ജോഷ്വ, അലന്‍ കുര്യാക്കോസ്, ബിജോ ജോസ്, ജിം പാമ്പാക്കുട എന്നിവരെയും തിരഞ്ഞെടുത്തു. ബിജു സ്‌കറിയ മുഖ്യപ്രഭാഷണം നടത്തിയ യോഗത്തില്‍ സോബന്‍ തോമസ് സ്വാഗതവും ജോസഫ് പീറ്റര്‍ നന്ദിയും രേഖപ്പെടുത്തി.