കൂട്ടുകാരുമായി ബീച്ചില്‍പോയി മടങ്ങവേ കാനഡയില്‍ മലയാളിയായ എന്‍ജിനീയറിങ് വിദ്യാര്‍ത്ഥിനിക്ക് ദാരുണാന്ത്യം
കൂട്ടുകാരുമായി ബീച്ചില്‍പോയി മടങ്ങവേ കാനഡയില്‍ മലയാളിയായ എന്‍ജിനീയറിങ് വിദ്യാര്‍ത്ഥിനിക്ക് ദാരുണാന്ത്യം. കോട്ടയം മൂലേടം സ്വദേശിനിയായ എന്‍ജിനീയറിംഗ് വിദ്യാര്‍ഥിനിയാണ് കാര്‍ അപകടത്തില്‍ മരിച്ചത്. മൂലേടം ദിവാന്‍പുരം തോളൂര്‍ സുശീല്‍ റാം റോയിയുടെ മകള്‍ കീര്‍ത്തന എസ്. തോളൂരാ(23)ണു മരിച്ചത്. ശനിയാഴ്ച കാനഡ ടൊറന്റോയിലാണ് അപകടം ഉണ്ടായത്.
സുഹൃത്ത് പുതിയതായി വാങ്ങിയ കാറില്‍ കൂട്ടുകാരുമായി ബീച്ചില്‍ പോയി മടങ്ങുമ്പോള്‍ എതിരെവന്ന വാഹനവുമായി കൂട്ടിയിടിച്ചാണ് അപകടമുണ്ടായത്. ഇടിയുടെ ആഘാതത്തില്‍ പുറകിലെ സീറ്റിലിരുന്ന കീര്‍ത്തന വാതില്‍ തുറന്ന് റോഡിലേക്കു തലകീഴായി വീഴുകയായിരുന്നുവെന്ന് ബന്ധുക്കള്‍ പറഞ്ഞു.
കോട്ടയത്ത് ബിടെക് ബിരുദത്തിനുശേഷം എംടെക് പഠനത്തിനായി രണ്ട് വര്‍ഷം മുമ്പാണു കാനഡയിലേക്കു പോയത്. കഴിഞ്ഞ ആഴ്ച പഠനം പൂര്‍ത്തിയാക്കി പാര്‍ടൈം ജോലി ലഭിച്ചിരുന്നു. മലയാളി അസോസിയേഷന്റെ നേതൃത്വത്തില്‍ മൃതദേഹം നാട്ടിലെത്തിക്കാനുള്ള നടപടികള്‍ സ്വീകരിച്ചുവരികയാണ്. സംസ്‌കാരം പിന്നീട്. മാതാവ്: പി. ബിന്ദു (നഴ്‌സ് ഇസ്രായേല്‍). സഹോദരങ്ങള്‍: പ്രാര്‍ഥന എസ്. തോളൂര്‍, അര്‍ഥന എസ്. തോളൂര്‍ (ഇരുവരും വിദ്യാര്‍ഥിനികള്‍).
"
https://www.facebook.com/Malayalivartha
