പതിമൂന്നാമത്‌ അഖില കാനഡ വടംവലി മത്സരം ആഗസ്റ്റ്‌ 17 ശനിയാഴ്‌ച
കനേഡിയന്‍ മലയാളി അസ്സോസിയേഷന്റെ ആഭിമുഖ്യത്തിലുളള ഈ വര്‍ഷത്തെ ഫാമിലി പിക്‌നിക്കിനോടനുബന്ധിച്ച്‌ ആഗസ്റ്റ്‌ 17 ശനിയാഴ്‌ച വൈകുന്നേരം 3 മണിക്ക്‌ മിസ്സിസ്സാഗായിലെ വൈള്‍ഡ്‌ വുഡ്‌ പാര്‍ക്കില്‍ വച്ച്‌ പതിമൂന്നാമത്‌ അഖില കാനഡ വടംവലി മത്സരം നടക്കും.
ജോമി ജോസഫ്‌ സ്‌പോണ്‍സര്‍ ചെയ്യുന്ന മരങ്ങോലില്‍ ഓനച്ചന്‍ മെമ്മോറിയല്‍ എവര്‍റോളിംഗ്‌ ട്രോഫിയും 500 ഡോളര്‍ കാഷ്‌ അവാര്‍ഡുമാണ്‌ ഒന്നാം സമ്മാനം. ഡോ. പി. സി. പുന്നന്‍ സ്‌പോണ്‍സര്‍ ചെയ്യുന്ന പി.സി. പുന്നന്‍ സീനിയര്‍ മെമ്മോറിയല്‍ എവര്‍റോളിംഗ്‌ ട്രോഫിയും 250 ഡോളര്‍ കാഷ്‌ അവാര്‍ഡുമാണ്‌ രണ്ടാം സമ്മാനം. കാഷ്‌ അവാര്‍ഡ്‌ സ്‌പോണ്‍സര്‍ ചെയ്‌തിരിക്കുന്നത്‌ സണ്‍ ലൈഫ് ഇന്‍ഷുറന്‍സിനുവേണ്ടി സുജിത്ത്‌ നായരാണ്‌.
അന്നേ ദിവസം രാവിലെ 10 മണിക്ക്‌ കനേഡിയന്‍ മലയാളി അസ്സോസ്സിയേഷന്റെ പ്രസിഡന്റ്‌ ബോബി സേവ്യര്‍ പതാക ഉയര്‍ത്തി പിക്‌നിക്ക്‌ ഉദ്‌ഘാടനം ചെയ്യും. തുടര്‍ന്ന്‌ ചെണ്ടമേളത്തോടെ കലാപരിപാടികള്‍ക്കും മത്സരങ്ങള്‍ക്കും തുടക്കം കുറിക്കും. എല്ലാ നാടന്‍ വിഭവങ്ങളോടുകൂടിയ തട്ടുകട പ്രവര്‍ത്തിക്കുന്നതായിരിക്കും. കുട്ടികള്‍ക്ക്‌ പ്രത്യേകം റൈഡുകളും മത്സരങ്ങളും ഒരുക്കിയിട്ടുണ്ട്‌. കാനഡയില്‍ പുതിയതായി എത്തിയ മലയാളികള്‍ക്ക്‌ സ്വയം പരിചയപ്പെടുത്താനുള്ള വേദിയും, എന്റര്‍റ്റൈന്‍മെന്റ്‌ പ്രോഗ്രാമുകള്‍ അവതരിപ്പിക്കാനുള്ള അവസരവും ലഭിക്കും. കൂടുതല്‍ വിവരങ്ങള്‍ക്ക്‌ www.canadianmalayalee.org സന്ദര്‍ശിക്കുക.
ജയ്‌സണ്‍ മാത്യു
https://www.facebook.com/Malayalivartha
