ലോകോത്തര പത്ത് ഫാമിലി ടൂറിസ്റ്റ് സ്ഥലങ്ങളില്‍ ഒന്നായി കേരളം തിരഞ്ഞെടുക്കപ്പെട്ടു. ലണ്ടനിലെ വേള്‍ഡ് ട്രാവല്‍ മാര്‍ക്കറ്റിലാണ് കേരളത്തിന് ബെസ്റ്റ് ലോകോത്തര ഫാമിലി ടൂറിസ്റ്റ് പ്രദേശമായി അംഗീകാരം ലഭിച്ചത്. കേരളത്തിന്റെ പ്രകൃതി ഭംഗി, ആതിഥ്യമര്യാദ, കായല്‍ ടൂറിസം, ആയുര്‍വേദ ടൂറിസം, ലോകോത്തര നിലവാരമുള്ള ഹോട്ടലുകള്‍, റിസോര്‍ട്ടുകള്‍, ഫാമിലി ടൂറിസ്റ്റുകള്‍ക്ക് നല്‍കുന്ന സര്‍വീസ് എന്നിവ വിലയിരുത്തിയാണ് ബെസ്റ്റ് ഫാമിലി ടൂറിസ്റ്റ് പ്രദേശം എന്ന സ്ഥാനം ലഭിച്ചത്. 

യൂറോപ്പിലും, പ്രത്യേകിച്ച് ജര്‍മനിയിലും കേരളത്തിന്റെ ഈ ബെസ്റ്റ് ഫാമിലി ടൂറിസ്റ്റ് അംഗീകാര ലബ്ധി കൂടുതല്‍ ആകര്‍ഷണം ഉണ്ടാക്കിയിട്ടുണ്ട്. വിദേശ ടൂറിസ്റ്റുകള്‍ക്ക് പുറമെ, പ്രവാസികള്‍ക്കും, രണ്ടാം തലമുറയില്‍പ്പെട്ടവര്‍ക്കും, നിരവധി പുതിയ യാത്രാ പരിപാടികള്‍ ആകര്‍ഷണീയമായ നിരക്കില്‍ പ്രൈവറ്റ് മേഖലയുടെ സഹകരണത്തോടെ കേരളാ ടൂറിസം നടത്തുന്നു. 
കൂടുതല്‍ വിവരങ്ങള്‍ക്ക്: 
വെബ്‌സൈറ്റ് : http://www.ktdc.com/