ബേസിംഗ്‌സ്‌റ്റോക്ക് അസോസിയേഷന്‍ കായികദിനം
ബേസിംഗ്‌സ്‌റ്റോക്ക് മലയാളി അസോസിയേഷന്‍ വിവിധ പരിപാടികളോടെ കായികദിനം ആഘോഷിച്ചു. സൗത്ത് ഹാം അള്‍ഡ് വര്‍ത്ത് സയന്‍സ് കോളേജ് ഗ്രൗണ്ടില്‍ സംഘടിപ്പിച്ച പരിപാടികള്‍ അസോസിയേഷന്‍ പ്രസിഡന്റ് ശോബന്‍ ബാബു ഉദ്ഘാടനം ചെയ്തു. കായിക ദിന കണ്‍വീനര്‍മാരായ സിബി വര്‍ഗീസ്, ഷൈജു ജോസഫ് എന്നിവര്‍ മത്സരങ്ങള്‍ നിയന്ത്രിച്ചു.
മുന്‍വര്‍ഷങ്ങളേക്കാള്‍ വ്യത്യസ്തമായി സ്ത്രീകള്‍ക്കും കുട്ടികള്‍ക്കുമായി പുതുമയാര്‍ന്ന നിരവധി മത്സരങ്ങള്‍ ഈ വര്‍ഷം ഉള്‍പ്പെടുത്തിയിരുന്നു. കായിക ദിനത്തിന് സമാപനം കുറിച്ചു കൊണ്ട് കുട്ടികളേയും മുതിര്‍ന്നവരേയും ഉള്‍പ്പെടുത്തിക്കൊണ്ടുള്ള ഫുട്‌ബോള്‍ മത്സരവും ഉണ്ടായിരുന്നു.
പരിപാടികള്‍ക്ക് അസോസിയേഷന്‍ ഭാരവാഹികളായ രാജേഷ് തമ്പി, സജീഷ് ടോം, ഡെയ്‌സി ബിജു, സാജു സ്റ്റീഫന്‍, ഷാജി ഫിലിപ്പ് തുടങ്ങിയവര്‍ നേതൃത്വം നല്‍കി. വിജയികള്‍ക്കുള്ള സമ്മാനങ്ങള്‍ അസോസിയേഷന്റെ ഓണാഘോഷ പരിപാടികളോടനുബന്ധിച്ച് വിതരണം ചെയ്യുന്നതായിരുക്കും.
https://www.facebook.com/Malayalivartha
