എസ്എന്‍ഡിപി കുടുംബയൂണിറ്റ് ഉദ്ഘാടനം
ശ്രീനാരായണീയ സന്ദേശം യു.കെ.യില്‍ ഉള്ള എല്ലാ ഗുരുഭക്തരിലും എത്തിക്കുന്നതിന്റെ ഭാഗമായി എസ്എന്‍ഡിപി യു.കെ.ശാഖയോഗം 6170 ന്റെ 5-ാമത് കുടുംബയൂണിറ്റ് സൗത്താംപ്ടണില്‍ ഉദ്ഘാടനം ചെയ്തു.
പൂളില്‍ നടന്ന സമ്മേളനം സെക്രട്ടറി വിഷ്ണു നടേശന്‍ ഉദ്ഘാടനം ചെയ്തു. സൗമ്യ ഉല്ലാസ് അധ്യക്ഷതവഹിക്കുകയും ശാഖാ മാനേജിങ് കമ്മിറ്റി അംഗം കുമാര്‍ സുരേന്ദ്രന്‍ ആശംസാപ്രസംഗവും നടത്തി. കുമാരനാശാന്‍ കുടുംബയൂണിറ്റിന്റെ ഉദ്ഘാടനം യു.കെ.യോഗം പ്രസിഡന്റ് സുജിത് ഉദയന്‍ നിര്‍വഹിച്ചു. സുധാകരന്‍ പാല പ്രഭാഷണവും നടത്തി. കുമാരനാശാന്‍ കുടുംബയൂണിറ്റിന്റെ കണ്‍വീനറായി ഹേമ സുരേഷും ജോ.കണ്‍വീനറായി രാകേഷ് കുമാറും ഔദ്യോഗികമായി ചാര്‍ജ്ജെടുത്തു.
ഇംഗ്ലണ്ടിലെ എല്ലാ പ്രധാന നഗരങ്ങളിലും കുടുംബയൂണിറ്റുകള്‍ സ്ഥാപിച്ച് എസ്.എന്‍.ഡി.പി. യു.കെ.യോഗം 6170 ന്റെ പ്രവര്‍ത്തനങ്ങള്‍ വിപുലമാക്കാന്‍ സമ്മേളനത്തില്‍ തീരുമാനിച്ചു.
https://www.facebook.com/Malayalivartha
