ക്രോയ്‌ടോണില്‍ ഓണാഘോഷം
യു.കെയില്‍ ക്രോയ്‌ടോണിലും ഓണാഘോഷങ്ങള്‍ക്കുള്ള ഒരുക്കങ്ങള്‍ പൂര്‍ത്തിയായി. സംഗീത ഓഫ് ദി യു.കെയും, കെ.സി.ഡബ്ല്യു,എ ട്രസ്റ്റും, ഫ്രണ്ട്‌സ് ഓഫ് കേരളയും സംയുക്തമായാണ് ഓണാഘോഷം ഒരുക്കുന്നത്. \'പൊന്നോണം 2014\' എന്ന പരിപാടി സപ്തംബര്‍ 20,21 (ശനി,ഞായര്‍) തീയതികളില്‍ ക്രോയ്‌ടോന്‍ മിച്ചം റോഡിലുള്ള ലാന്‍ഫ്രാങ്ക് സ്‌കൂള്‍ ഹാളില്‍ നടത്തും.
അത്തപ്പൂക്കളം, തിരുവാതിര, കൈകൊട്ടിക്കളി, പുലികളി, ചെണ്ടമേളം, വടംവലി, കസേരകളി തുടങ്ങിയ ഓണക്കളികളും തൂശനിലയില്‍ വിഭവസമൃദ്ധമായ ഓണ സദ്യയും ഒന്നാം ദിവസമായ സപ്തംബര്‍ 20 ശനിയാഴ്ച്ച ഒരുക്കും. രണ്ടാം ദിവസമായ 21 ഞായറാഴ്ച വൈകിട്ട് മൂന്നു മുതല്‍ സിനിമാ പിന്നണി ഗായകരായ വിവേകാനന്ദ്, ആഖില, അഫ്‌സല്‍ തുടങ്ങിയവര്‍ അവതരിപ്പിക്കുന്ന ഗാനമേളയും, സൗത്ത് ലണ്ടനില്‍ നിന്നും കഴിഞ്ഞ അധ്യയന വര്‍ഷം ജി.സി.എസ്.ഇ പരീക്ഷകളില്‍ ഉയര്‍ന്ന മാര്‍ക്ക് നേടിയ വിദ്യാര്‍ഥികള്‍ക്കുള്ള സമ്മാനദാനവും, യു കെയുടെ വിവിധ ഭാഗങ്ങളില്‍ നിന്നുമുള്ള കലാകാരന്മാര്‍ അവതരിപ്പിക്കുന്ന കേരളീയ തനിമയാര്‍ന്ന കലാ പരിപാടികളും അരങ്ങേറും.
https://www.facebook.com/Malayalivartha
