ഖത്തറിൽ വാഹനാപകടത്തിൽ ഗുരുതര പരുക്കേറ്റ് ചികിത്സയിലായിരുന്ന പ്രവാസി മരിച്ചു. കോഴിക്കോട് സ്വദേശി മുറത്തുമൂലയിൽ ജസീർ (42) മരിച്ചു. കഴിഞ്ഞ 3ന് വൈകിട്ട് 4ന് ആണ് അപകടം ഉണ്ടായത്. ജസീർ ഓടിച്ച ടാങ്കർ, അബൂ നക്‌ല സ്ട്രീറ്റിൽ മറ്റൊരു ടാങ്കറിന്റെ പിന്നിൽ ഇടിക്കുകയായിരുന്നു.

ഇതിന്റെ ആഘാതത്തിൽ തെറിച്ചു വീണ ജസീറിന് തലയ്ക്കു സാരമായ പരുക്കേൽക്കുകയും ചെയ്തു. ചികിത്സയിലിരിക്കെ ഹൃദയാഘാതവുമുണ്ടായി. മൃതദേഹം ഹമദ് ആശുപത്രി മോർച്ചറിയിൽ. നാട്ടിലെത്തിച്ചു ഖബറടക്കം നടത്താനുള്ള ശ്രമത്തിലാണു ബന്ധുക്കളും നാട്ടുകാരും. ഗോതമ്പ്റോഡ് തോണിച്ചാൽ ബഷീറിന്റെയും സുബൈദയുടെയും മകനാണ്. ഭാര്യ: റസീന. മക്കൾ: ഫാത്തിമ റജ, നജ ഫാത്തിമ, ജസ ഫാത്തിമ.