കുവൈത്തിലെ അബ്ബാസിയയിലെ ഫ്ലാറ്റിൽ തീപിടുത്തം; നാലംഗ മലയാളി കുടുംബം ശ്വാസംമുട്ടി മരിച്ചു; നാട്ടിൽ അവധി ആഘോഷിച്ച് മടങ്ങിയതായിരുന്നു ഇവർ
![](https://www.malayalivartha.com/assets/coverphotos/w657/315127_1721473552.jpg)
കുവൈത്തിലെ അബ്ബാസിയയിലെ ഫ്ലാറ്റിൽ തീപിടുത്തം. നാലംഗ മലയാളി കുടുംബം ശ്വാസംമുട്ടി മരിച്ചു. ആലപ്പുഴ തലവടി നീരേറ്റുപുറം മുളയ്ക്കലിൽ മാത്യൂസ് മുളയ്ക്കൽ , ഭാര്യ ലിനി ഏബ്രഹാം , മക്കളായ ഐറിൻ , ഐസക് എന്നിവരാണ് മരിച്ചത്. നാട്ടിൽ അവധി ആഘോഷിക്കാനെത്തിയതായിരുന്നു ഇവർ. വ്യാഴാഴ്ച വൈകിട്ടായിരുന്നു ഇവർ മടങ്ങി പോയത്. രാത്രി എട്ടു മണിയോടെയാണ് രണ്ടാം നിലയിലെ ഇവരുടെ ഫ്ലാറ്റിൽ തീപിടിത്തമുണ്ടായത്.
ഷോർട്ട് സർക്യൂട്ടാണ് അപകട കാരണം . മലയാളികൾ തിങ്ങിപാർക്കുന്ന മേഖലയാണിത്. അഗ്നിരക്ഷാ സേനയെത്തി കുടംബത്തെ പുറത്തെത്തിക്കാനുള്ള ശ്രമം നടത്തി. അപ്പോഴേക്കും നാലുപേരെയും രക്ഷിക്കാനായില്ല . തീപിടിത്തം സംബന്ധിച്ച് കുവൈത്ത് അഗ്നിരക്ഷാ സേന കൂടുതൽ വിവരങ്ങൾ പുറത്ത് വന്നിട്ടില്ല.
എ.സിയിലെ വൈദ്യുതി തകരാറാണ് അപകട കാരണമെന്നാണ് പ്രാഥമിക വിവരം. വിഷപ്പുക ശ്വസിച്ചാണ് മരണമെന്നും സൂചനയുണ്ട്. അഗ്നിരക്ഷാസേനയും പോലീസും സ്ഥലത്തെത്തിയാണ് തുടര്നടപടി സ്വീകരിച്ചത്.
https://www.facebook.com/Malayalivartha