ലോകത്തെ ഏറ്റവും നീളമുള്ള സ്‌കാര്‍ഫ് കൈകൊണ്ട് തുന്നിയെടുത്ത് കംബോഡിയ റെക്കാര്‍ഡ് നേടി.

1,100 മീറ്റര്‍ (3,600 അടി) നീളമുള്ള സ്‌കാര്‍ഫ് 23,000 ആളുകള്‍ ആറു മാസത്തോളം മെനക്കെട്ടാണ് തുന്നിയെടുത്തത്.

സ്‌കാര്‍ഫിന്റെ നീളവും തുന്നിയെടുത്ത രീതിയും പരിശോധിച്ച ഗിന്നസ് ബുക്ക് ഓഫ് റിക്കാര്‍ഡ് അധികൃതര്‍, കംബോഡിയ തുന്നിയെടുത്ത സ്‌കാര്‍ഫ് ഗിന്നസില്‍ ഇടം നേടിയതായി പ്രഖ്യാപിച്ചു.

കംബോഡിയയുടെ തലസ്ഥാന നഗരിയിലുള്ള പെന്‍സ് റോയല്‍ കൊട്ടാരത്തിനു മുന്‍വശത്തായിരുന്നു തുന്നല്‍ മാരത്തണ്‍ സംഘടിപ്പിച്ചത്.

രാജ്യത്തെ ഭരണകക്ഷിയുടെ യുവജന വിഭാഗമായിരുന്നു പരിപാടിയുടെ സംഘാടകര്‍. കംബോഡിയന്‍ പ്രധാനമന്ത്രി ഹ്യുസെനും തുന്നലില്‍ പങ്കെടുത്തിരുന്നു.