ദുബായ് ഡ്യൂട്ടി ഫ്രീയുടെ നറുക്കെടുപ്പ്, ദുബായില്‍ എഞ്ചിനീയറായ ലെസ്‌ലിയ്ക്ക് അതിമനോഹരമായ ഒരു സര്‍പ്രൈസാണ് നല്‍കിയത്. ദുബായില്‍ താമസക്കാരനായ ലെസ്‌ലി ഫെര്‍നാണ്ടസിന്റെ പിറന്നാല്‍ ദിനത്തിലാണ് ദുബായ് ഡ്യൂട്ടി ഫ്രീയുടെ നറുക്കെടുപ്പും നടന്നത്.

ആ നറുക്കെടുപ്പില്‍ ലസ്ലിക്ക് ആഡംബര കാര്‍ സമ്മാനമായി ലഭിച്ചു. ജന്മ ദിനത്തില്‍ കിടിലനൊരു സമ്മാനം ലഭിച്ചതിന്റെ സന്തോഷത്തിലാണ് ലെസ്‌ലി.

1689 സീരീസിലെ 1211 ടിക്കറ്റിലൂടെ ബിഎംഡബ്യു എക്‌സ് 6 കാറാണ് ലെസ്‌ലിക്ക് സമ്മാനമായി ലഭിച്ചിരിക്കുന്നത്. ഒരു കോടിയിലധികം രൂപയാണ് ബിഎംഡബ്യു എക്‌സ് 6 കാറിന് ഇന്ത്യയിലെ വില.

താന്‍ ആദ്യമായി എടുത്ത ടിക്കറ്റിലൂടെയാണ് ഈ സമ്മാനം ലഭിച്ചതെന്നും, പിറന്നാള്‍ ദിനത്തില്‍ ഇങ്ങനെയൊരു സമ്മാനം ലഭിച്ചതില്‍ സന്തോഷമെന്നുമായിരുന്നു ലസ്ലിയുടെ പ്രതികരണം.