ഫ്‌ളോറിഡയിലെ കൊച്ചു മിടുക്കനായ വില്യം മെയില്‍സ് വാര്‍ത്ത സൃഷ്ടിച്ചിരിക്കയാണ്! പതിനൊന്നാം വയസ്സില്‍ ഡിഗ്രി നേടിയിരിക്കുകയാണ് വില്യം.

വോട്ട് ചെയ്യുന്നുന്നതിനോ, ഡ്രൈവ് ചെയ്യാനോ ഉള്ള പ്രായമായിട്ടില്ല. അപ്പോഴാണ് സെന്റ് പീറ്റേഴ്‌സ് ബര്‍ഗ് കോളേജില്‍നിന്ന് അസോസിയേറ്റ് ഡിഗ്രി നേടി വില്യം ജനശ്രദ്ധ പിടിച്ചുപറ്റിയത്.

ഒന്നാം വയസില്‍ തന്നെ ഗണിതശാസ്ത്രം ഹൃദിസ്ഥമാക്കി, മൂന്നാം വയസില്‍ മൂന്നു ഭാഷകളില്‍ പ്രാവീണ്യം നേടി, നാലാം വയസില്‍ ആള്‍ജിബ്രായും പഠിച്ചു.

ബിരുദദാനചടങ്ങില്‍ തന്നേക്കാള്‍ വളരെയധികം പ്രായമുള്ളവര്‍ക്കിടയിലിരുന്ന് യൂണിവേഴ്‌സിറ്റി പ്രസിഡന്റില്‍ നിന്നും അവാര്‍ഡ് കരസ്ഥമാക്കി.

ഫ്‌ളോറിഡ യൂണിവേഴ്‌സിറ്റിയില്‍ പഠനം തുടര്‍ന്ന് ആസ്‌ട്രോഫിസിക്‌സില്‍ ഡോക്ടറേറ്റ് നേടാനാണ് വില്യമിന്റെ ആഗ്രഹം.