ഇന്‍സ്റ്റഗ്രാമില്‍ കോഹ്‌ലിയുടെ ഒരു പോസ്റ്റിനു ലഭിക്കുന്ന തുക എത്രയെന്നോ?
സോഷ്യല്‍ മീഡിയയില്‍ സജീവമാണ് ഇന്ത്യന്‍ ക്രിക്കറ്റ് ടീം നായകന് വിരാട് കോഹ്‌ലി.
ഫെയ്‌സ്ബുക്കിലും ട്വിറ്ററിലും ഇന്‍സ്റ്റഗ്രാമിലും കോഹ്‌ലിക്ക് നിരവധി ഫോളോവേഴ്‌സ് ഉണ്ട്. കോഹ്‌ലിയുടെ ഓരോ പോസ്റ്റിനും ലക്ഷക്കണക്കിന് ആരാധകരാണ് ഇന്‍സ്റ്റഗ്രാമിലുള്ളത്.
ഇന്‍സ്റ്റഗ്രാമില്‍ 23.2 മില്യന്‍ ഫോളോവേഴ്‌സുള്ള കോഹ്‌ലിക്ക് ഒരു പോസ്റ്റില്‍ നിന്ന് ലഭിക്കുന്ന തുക ഞെട്ടിക്കുന്നതാണ്. ഇന്‍സ്റ്റഗ്രാമില്‍ സ്‌പോണ്‍സേഡ് പോസ്റ്റുകള്‍ക്ക് ഏറ്റവും കൂടുതല്‍ പണം നേടുന്നവരുടെ പട്ടികയിലാണ് കോഹ്‌ലി ഇടംപിടിച്ചിരിക്കുന്നത്. ഇന്‍സ്റ്റഗ്രാം ഷെഡ്യൂള്‍ ടൂള്‍ ആപ്പായ ഹോപ്പര്‍ എച്ച്.ക്യൂ.കോം നടത്തിയ സര്‍വേയില്‍ 17-ാം സ്ഥാനത്താണ് വിരാട് കോഹ്‌ലി.
കോഹ്‌ലിയുടെ ഒരു പോസ്റ്റിന് 120,000 യുഎസ് ഡോളര്‍( 82,45,000 ഇന്ത്യന്‍ രൂപ) ആണ് ഒരു പോസ്റ്റിന് ഇന്ത്യന്‍ നായകന് ലഭിക്കുന്നത്. കായിക താരങ്ങളുടെ പട്ടികയില്‍ ഒന്‍പതാം സ്ഥാനമാണ് കോഹ്‌ലിക്ക്.
അമേരിക്കന്‍ മോഡലായ കെയ്‌ലി ജെന്നറാണ് ഒന്നാം സ്ഥാനത്ത്. ഒരു മില്യണ്‍ ഡോളറാണ് ജെന്നറിന്റെ ഒരു ഇന്‍സ്റ്റഗ്രാം പോസ്റ്റിന് ലഭിക്കുന്നത്. പോപ് ഗായിക സെലീന ഗോമസ് രണ്ടാം സ്ഥാനത്തും. ഫുട്‌ബോള്‍ ഇതിഹാസം ക്രിസ്റ്റിയാനോ റൊണാള്‍ഡോ മൂന്നാം സ്ഥാനത്തുമാണ്.
https://www.facebook.com/Malayalivartha
