സൂപ്പര്‍ബൈക്ക് കണ്ടപ്പോള്‍ ഓടിച്ചു നോക്കാന്‍ പോലീസിനൊരു മോഹം!
സൂപ്പര്‍ ബൈക്കുമായി നിരത്തില്‍ പായാനിറങ്ങിയാല്‍ നമ്മളെ പൊലീസ് നോട്ടമിടുന്നത് സാധാരണ സംഭവമാണ്. ഹൈദ്രാബാദ് നഗരത്തിലൂടെ ഡ്യുക്കാറ്റി ഡയവല്ലില്‍ റൈഡിനിറങ്ങിയ സോഹര്‍ അഹമ്മദിനെയും ബൈക്കിനെയും പൊലീസ് നോട്ടമിട്ടു. എന്നാല്‍ അല്‍പം വത്യസ്തതയുള്ള അനുഭവമാണ് അവര്‍ക്കുണ്ടായത്. അത് ഇപ്പോള്‍ സമൂഹമാധ്യമങ്ങളില്‍ വൈറലാകുകയാണ്.
ബൈക്കിലെത്തി സോഹറിനെ തടഞ്ഞ പോലീസ്, വാഹനത്തിന്റെ വില എത്രയാണെന്നാണ് ആദ്യം ചോദിച്ചത്. തുടര്‍ന്ന് വാഹനത്തില്‍ ഇരിക്കാനും ഓടിക്കാനും അനുവാദം ചോദിച്ച പോലീസ്, ബൈക്കില്‍ ഇരുന്ന് ചിത്രങ്ങളുമെടുത്തു. കൂടാതെ ബൈക്കിന്റെ ഇന്ധനക്ഷമത ചോദിക്കുകയും ചെയ്തിട്ടാണ് മടങ്ങിയത്.
പോലീസ് തന്റെ ബൈക്ക് ഓടിക്കുന്ന വിഡിയോ പങ്കുവെച്ച്‌കൊണ്ട് സോഹര്‍ പറഞ്ഞത്, തികച്ചും വ്യത്യസ്ത അനുഭവമായിരുന്നു ഇത് എന്നാണ്. ഡ്യുക്കാറ്റി നിരയില്‍ മികച്ച ബൈക്കാണ് ഡയവല്‍. വലുപ്പത്തിലും ലുക്കിലും ആരെയും ആകര്‍ഷിക്കുന്ന ബൈക്കിന് ഏകദേശം 18 ലക്ഷം രൂപ വിലയുണ്ട്.
https://www.facebook.com/Malayalivartha
