ഇംഗ്ലണ്ടിനെതിരായ ടെസ്റ്റിന് മുന്നോടിയായുളള ത്രിദിന മത്സരത്തിനിടയില്‍ നൃത്തച്ചുവടുകളാല്‍ കാണികളെ വിസ്മയിപ്പിച്ച് നായകന്‍ വിരാട് കോഹ്‌ലിയും ശിഖര്‍ ധവാനും. കളിയുടെ മൂന്നാം ദിനത്തില്‍ മൈതാനത്തേക്ക് ഇന്ത്യന്‍ താരങ്ങള്‍ വരുമ്പോഴായിരുന്നു ഇന്ത്യന്‍ നായകന്റെ ഭാംഗ്ര ഡാന്‍സ്.

കോഹ്‌ലിക്ക് പിന്നാലെയെത്തിയ ശിഖര്‍ ധവാനും ഭാംഗ്ര നൃത്തച്ചുവടകള്‍ കാണികള്‍ക്ക് സമ്മാനിച്ചു. ഇരുവരും ഡാന്‍സ് ചെയ്യുന്ന വീഡിയോ എസെക്‌സ് ക്രിക്കറ്റ് അവരുടെ ട്വിറ്റര്‍ പേജില്‍ ഷെയര്‍ ചെയ്തിട്ടുണ്ട്.

ഓഗസ്റ്റ് ഒന്നിനാണ് ഇന്ത്യ-ഇംഗ്ലണ്ട് ടെസ്റ്റ് മല്‍സരങ്ങള്‍ തുടങ്ങുക. അഞ്ച് മത്സരങ്ങളാണ് ഉളളത്. നേരത്തെ ഇന്ത്യയെ തോല്‍പ്പിച്ച് ഇംഗ്ലണ്ട് ഏകദിന പരമ്പര നേടിയിരുന്നു. ഇംഗ്ലണ്ടിനെതിരായ അവസാന ഏകദിനത്തില്‍ ഇന്ത്യ കനത്ത പരാജയമാണ് ഏറ്റുവാങ്ങിയത്. എട്ട് വിക്കറ്റിനായിരുന്നു ഇംഗ്ലണ്ടിന്റെ വിജയം.

മത്സരത്തില്‍, ഇന്ത്യക്കെതിരെ 323 റണ്‍സിന്റെ വിജയലക്ഷ്യം മുന്നോട്ട് വെച്ച ഇംഗ്ലണ്ട് മികച്ച പ്രകടനം കാഴ്ചവെച്ചു. മറുപടി ബാറ്റിംഗിനിറങ്ങിയ ഇന്ത്യക്ക് ലക്ഷ്യം മറികടക്കാന്‍ കഴിഞ്ഞില്ല. 323 റണ്‍സിന്റെ ലക്ഷ്യത്തില്‍ 236 റണ്‍സെടുക്കാന്‍ മാത്രമാണ് സാധിച്ചത്. മത്സരത്തില്‍ ഇന്ത്യ 86 റണ്‍സിന്റെ തോല്‍വി വഴങ്ങി. സെഞ്ച്വറി നേടി ടീമിന് മികച്ച സ്‌കോര്‍ സമ്മാനിച്ച ജോ റൂട്ടാണ് ഇംഗ്ലണ്ടിനെ വിജയം ചൂടിച്ചത്.

46 റണ്‍സെടുത്ത സുരേഷ് റെയ്‌നാണ് ഇന്ത്യയുടെ ടോപ്പ് സ്‌കോറര്‍. ഇതോടെ മൂന്ന് മത്സരങ്ങളടങ്ങിയ പരമ്പരയില്‍ ഇരു ടീമുകളും ഓരോ ജയം സ്വന്തമാക്കി. അവസാന ഏകദിനമത്സരത്തില്‍ ടോസ് നേടിയ ഇംഗ്ലണ്ട് ബാറ്റിംഗ് ആദ്യം ബാറ്റിംഗ് തെരെഞ്ഞെടുക്കുകയായിരുന്നു. 116 ബോളില്‍ 113 റണ്‍സെടുത്ത് റൂട്ട് പുറത്തായെങ്കിലും ഇംഗ്ലണ്ട് 322 റണ്‍സ് എന്ന വിജയലക്ഷ്യം സ്വന്തമാക്കി. റൂട്ടിന് പുറമെ മോര്‍ഗന്‍, വില്ലി എന്നിവരുടെ അര്‍ധ ശതകവും ഇംഗ്ലണ്ടിന് മികച്ച സ്‌കോറെടുക്കുന്നതില്‍ നിര്‍ണായകമായി.