ലോകകപ്പ് ഫുട്ബോള് ഒക്കെ കഴിഞ്ഞില്ലേ, ഇനി ഫുട്ബോള് താരങ്ങളുടെ റെസ്‌ലിംഗ് ആയാലോ...?
ഫുട്‌ബോളിലെ സൂപ്പര്‍താരങ്ങളായ മെസിയും നെയ്മറും ക്രിസ്റ്റ്യാനോ റൊണാള്‍ഡോയുമൊക്കെ ഗുസ്തി പിടിക്കാന്‍ ഗോദയില്‍ ഇറങ്ങിയാല്‍ എങ്ങനെയുണ്ടാകും. പിന്നേയ് അവര് ഗുസ്തി പിടിക്കാന്‍ വരാന്‍ പോകുവല്ലേ എന്ന് പറഞ്ഞ് തള്ളിക്കളയാന്‍ വരട്ടെ. ഇത്തരമൊരു വീഡിയോയാണ് ഇപ്പോള്‍ വൈറലാകുന്നത്.
ഫുട്‌ബോളിലെ സൂപ്പര്‍താരങ്ങളുടെ തല റെസ്‌ലിംഗിന്റെ വീഡിയോയില്‍ മോര്‍ഫ് ചെയ്ത് കയറ്റിയാണ് വീഡിയോ തയ്യാറാക്കിയിരിക്കുന്നത്.
നെയ്മറിന്റെ കഴുത്തിനു പിടിച്ചു തള്ളുന്ന മെസിയെയും സെര്‍ജിയോ റാമോസിനെ പൊക്കിയെടുത്ത് മലര്‍ത്തിയടിക്കുന്ന ക്രിസ്റ്റ്യാനോ റൊണാള്‍ഡോയെയുമെല്ലാം വീഡിയോയില്‍ കാണാം.
അന്റോയിന്‍ ഗ്രീസ്മാന്‍,കെയ്‌ലര്‍ നവാസ്, ഡീഗോ കോസ്റ്റ, ഏദന്‍ ഹസാര്‍ഡ്, ലൂയി സുവാരസ്, ജയിംസ് റോഡ്രിഗസ് എന്നു വേണ്ട ഒട്ടുമിക്ക സൂപ്പര്‍ താരങ്ങളും ഗോദയിലിറങ്ങുന്നുണ്ട്. ലോകകപ്പ് ഫൈനല്‍ പോലും റസ്‌ലിംഗ് രീതിയില്‍ അവതരിപ്പിച്ചിരിക്കുകയാണ്.
ഇംഗ്ലീഷ് ടീം പരിശീലകന്‍ ഗാരത് സൗത്ത്‌ഗേറ്റ്, ജര്‍മന്‍ പരിശീലകന്‍ ജോവാക്വിം ലോ തുടങ്ങിയവരും വീഡിയോയില്‍ പ്രത്യക്ഷപ്പെടുന്നു. റെസ്‌ലിംഗ് കൂടാതെ താരങ്ങളുടെ സാഹസിക പ്രകടനങ്ങളും വീഡിയോയില്‍ ഉണ്ട്.
മെസി കയറില്‍ കെട്ടി ബസ് വലിക്കുന്നതുമൊക്കെ വേള്‍ഡ് കപ്പ് ഇന്‍ മെംസ് എന്ന ഫേസ്ബുക്ക് പേജില്‍ വന്ന വീഡിയോയിലുണ്ട്. ഇതിനോടകം മുപ്പതിനായിരത്തിലധികം ആളുകള്‍ ഇത് പങ്കുവച്ചു കഴിഞ്ഞു.
https://www.facebook.com/Malayalivartha
