ലോറി അഗാധ ഗര്‍ത്തത്തിലേക്കുള്ള പാതയിലേയ്ക്ക് ഓടിക്കയറി, ഡ്രൈവര്‍ വലയില്‍ കുരുങ്ങി രക്ഷപ്പെട്ടു..!
റോഡരികിലെ അതിഭീമമായ കൊക്കയിലേക്ക് മറിഞ്ഞ ലോറിയില്‍ നിന്നും ഡ്രൈവര്‍ അത്ഭുതകരമായി രക്ഷപ്പെട്ടു.
ചൈനയിലെ യുനാന്‍ പ്രവശ്യയിലെ എക്സ്പ്രസ് വേയിലാണ് സംഭവം.
നിരവധി അപകടങ്ങള്‍ റിപ്പോര്‍ട്ട് ചെയ്ത എക്സ്പ്രസ് വേ മരണറോഡ് എന്നാണ് അറിയപ്പെടുന്നത്.
കൊക്കയുടെ മുകളിലായി സ്ഥാപിച്ചിരുന്ന വലയില്‍കുടുങ്ങിയാണ് ഡ്രൈവര്‍ രക്ഷപ്പെട്ടത്.
അപകടത്തിന്റെ വിഡിയോ ദൃശ്യങ്ങള്‍ സമൂഹമാധ്യമങ്ങളില്‍ തരംഗമാകുകയും ചെയ്തു.
റോഡരികിലുളള ട്രക്ക് റാംപ് അവസാനിക്കുന്നത് അഗാധ ഗര്‍ത്തത്തിനു മുകളിലായാണ്.
അധികൃതര്‍ ട്രക്ക് റാംപിനു മുകളില്‍ വല സ്ഥാപിക്കാന്‍ തീരുമാനിക്കുന്നത്, ഈ ട്രക്ക് റാംപിന് മുകളിലേയ്ക്ക് അബദ്ധത്തില്‍ വാഹനങ്ങള്‍ ഇരച്ചു കയറുന്നത് പതിവായതോടെയാണ്.
2015-ല്‍ ഇവിടെ കൂറ്റന്‍ വല സ്ഥാപിക്കുകയും ചെയ്തു. അഞ്ചോളം പേരെ ഇതിനകം തന്നെ ഈ വല മരണത്തില്‍ നിന്ന് കൈപിടിച്ചു കയറ്റിയിട്ടുണ്ട്.
https://www.facebook.com/Malayalivartha
