കടിച്ച പാമ്പിനെ കൈത്തണ്ടയില്‍ ചുറ്റിയെടുത്ത് ആശുപത്രിയില്‍ എത്തി യുവതി ഞെട്ടിച്ചു
കടിച്ച പാമ്പിനെക്കൊണ്ട് വിഷമിറക്കുന്ന ചികില്‍സാവിധി ഇന്നും ഗ്രാമങ്ങളിലുണ്ട്.
പക്ഷെ കടിച്ച പാമ്പിനെ കൈത്തണ്ടയില്‍ചുറ്റി ചികില്‍സയ്‌ക്കെത്തിയ രോഗി സോഷ്യല്‍മീഡിയയ്ക്ക് പുതുമയുള്ള കാഴ്ചയായിരിക്കും.
പാമ്പുകടിയേറ്റ് ചികില്‍സ തേടി ബെയ്ജിംഗിലെ ആശുപത്രിയിലെത്തിയ യുവതിയുടെ വീഡിയോ വൈറലാണ്.
പാമ്പിനെ കൈത്തണ്ടയില്‍ ചുറ്റിയെത്തിയ രോഗിയെ കണ്ട് ഡോക്ടറുമാരും ആശുപത്രിജീവനക്കാരും മറ്റുരോഗികളും ഭയന്നു.
കടിച്ചയുടന്‍ യുവതി പാമ്പിനെ പിടിച്ചുകൊണ്ട് നേരെ ആശുപത്രിയിലേക്ക് എത്തുകയായിരുന്നു.
ആശുപത്രിയിലെ സിസി ടിവിയിലാണ് യുവതി പാമ്പുമായി നില്‍ക്കുന്ന ദൃശ്യങ്ങള്‍ പതിഞ്ഞത്.
ഇത് ആരോ സമൂഹമാധ്യമങ്ങളില്‍ പങ്കുവച്ചതോടെയാണ് സംഭവം ചര്‍ച്ചയായത്.
പാമ്പിനെ മൃഗസംരക്ഷണ വകുപ്പിന് കൈമാറി.
യുവതിയുടെ ശരീരത്തില്‍ അധികം വിഷം ഏറ്റിരുന്നില്ല, അവരും സുഖമായി ഇരിക്കുന്നുവെന്ന് ഡോക്ടര്‍മാര്‍ അറിയിച്ചു.
https://www.facebook.com/Malayalivartha
