കേരള പൊലീസ് എഫ് ബിയെ രാജ്യത്തെ 'കേമന്‍' ആക്കി 'ചങ്ക് ബ്രോകള്‍'!
ബെംഗളൂരു സിറ്റി പൊലീസിന്റെ 6.46 ലക്ഷം ലൈക്കുകളെ മറികടന്ന് കേരള പൊലീസ് രാജ്യത്തെ ഒന്നാമനായി മാറി. അംഗബലം കൊണ്ടും ട്രോള്‍ കൊണ്ടും കേരള പൊലീസിനെ വെല്ലാന്‍ ഇനി രാജ്യത്തെ ഒരു സേനയ്ക്കുമാകില്ല.
ഫെയ്‌സ്ബുക്കിലെ 'ചങ്ക് ബ്രോകള്‍' അടിച്ചു കൂട്ടിയ ലൈക്ക് കൊണ്ട് ഏറ്റവും കൂടുതല്‍ ലൈക്ക് നേടിയ രാജ്യത്തെ ഒന്നാം സ്ഥാനക്കാരായ പൊലീസ് സേനയായി കേരള പൊലീസ്. ഇനി എല്ലാ മലയാളികള്‍ക്കും പറയാം ഫെയ്‌സ് ബുക്കില്‍ ഏറ്റവും കൂടുതല്‍ ലൈക്ക് കിട്ടിയ പൊലീസ് പേജ് നമ്മുടെ സ്വന്തം കേരള പൊലീസ്.
ചരിത്രനേട്ടത്തിനു കേരള പൊലീസ് സംഘം ഫെയ്‌സ്ബുക്കില്‍ എത്തി നന്ദി പറഞ്ഞു. ആശയ സംവേദനത്തിന്റെ നവ മാധ്യമ സാധ്യതകളെ, മെച്ചപ്പെട്ട സേവനം പ്രദാനം ചെയ്യാന്‍ കേരള പൊലീസ് ഉപയോഗപ്പെടുത്തുമ്പോള്‍ നിങ്ങള്‍ നല്‍കുന്ന പിന്തുണയും കരുത്തുമാണ് ഈ നേട്ടത്തിനു പിന്നിലെന്ന് കേരള പൊലീസ് പറയുന്നു.
പൊലീസിന്റെ മാര്‍ഗനിര്‍ദേശങ്ങളും മുന്നറിയിപ്പുകളും കൂടുതല്‍ പേരിലേക്ക് എത്തിക്കുന്നതിനായി ഈ പേജ് കൂടുതല്‍ ജനകീയമാക്കുന്നതിനു സഹകരണം പ്രതീക്ഷിക്കുന്നതായാണു കേരള പൊലീസ് തങ്ങളുടെ പേജില്‍ പറയുന്നത്.
https://www.facebook.com/Malayalivartha
