ഇന്ത്യ-നേപ്പാള്‍ അതിര്‍ത്തിയായ കട്ടര്‍ണിയയില്‍, വിടിനടുത്തുള്ള പുഴയ്ക്ക് സമീപം കളിച്ചുകൊണ്ടിരുന്ന കുട്ടികള്‍ക്ക് അടുത്തേയ്ക്ക് ഒരു കടുവ നീന്തി എത്താന്‍ ശ്രമിച്ചതു കണ്ട വളര്‍ത്തുനായകള്‍ സമയോചിതമായി പ്രവര്‍ത്തിച്ചതിനാല്‍ ജീവാപായം ഉണ്ടായില്ല.

നദി നീന്തിക്കയറി കടുവ എത്തിയപ്പോള്‍ കുട്ടികള്‍ പരക്കം പാഞ്ഞു.

ഈ സമയം അപകടം മണത്ത രണ്ടു നായ്ക്കള്‍ കടുവയുടെ നേര്‍ക്ക് ചെന്ന് കുട്ടികളുടെ അടുക്കലേക്കു വരാതെ അവയെ പ്രതിരോധിക്കുകയായിരുന്നു.

നായ സമീപത്തേക്കു വന്നപ്പോള്‍ ഭയന്ന കടുവ അവിടെ നിന്നും ഓടി പോകുകയായിരുന്നു.

ഭക്ഷണം തേടി കടുവകള്‍ ഇവിടെ വരുന്നത് പതിവാണെന്നാണ് പ്രദേശവാസികള്‍ പറയുന്നത്. കടുവ ആരെയും അക്രമിച്ചിട്ടില്ലെന്നാണ് റിപ്പോര്‍ട്ടുകള്‍.