ചൈനയിലെ ഷാങ്ഹായിലെ മാരിടൈം യൂണിവേഴ്‌സിറ്റിയില്‍ ഒരു വാത്തയ്ക്ക് അഡ്മിഷന്‍. ഗൂഗൂ എന്നു പേരുള്ള വാത്തയ്ക്കാണ് അത്യപൂര്‍ വ്വമായ ഈ സൗഭാഗ്യം സ്വന്തമാക്കാനായത്.

താന്‍ താമസം മാറി മറ്റൊരു സ്ഥലത്തേക്കു പോകുകയാണെന്നും അതിനാല്‍ വാത്തയെ ഇനി സംരക്ഷിക്കുവാന്‍ സാധിക്കുകയില്ലെന്നും ആരെങ്കിലും ഇതിനു തയാറായി മുമ്പോട്ടു വരണമെന്നും ആവശ്യപ്പെട്ട് വാത്തയുടെ ഉടമ, മാരിടൈം യൂണിവേഴ്‌സിറ്റിക്ക് അപേക്ഷ നല്‍കിയിരുന്നു.

യൂണിവേഴ്‌സിറ്റി അധികൃതര്‍ ഉടന്‍ തന്നെ അദ്ദേഹത്തിന് മറുപടി നല്‍കുകയും ചെയ്തു.

ഗൂഗൂവിനെ ഞങ്ങളുടെ കുടുംബത്തിലേക്കു സ്വീകരിക്കുവാന്‍ തീരുമാനിച്ചു. ഗൂഗൂ ഇവിടെ പൂര്‍ണ ആരോഗ്യവാനായിരിക്കുമെന്നും ഞങ്ങള്‍ പ്രതീക്ഷിക്കുന്നുവെന്നുമാണ് അവര്‍ മറുപടി നല്‍കിയത്.

ഗൂഗൂ യൂണിവേഴ്‌സിറ്റി പരിസരത്ത് വിഹരിക്കുന്നതിന്റെ ദൃശ്യങ്ങള്‍ ഇതിനോടകം തന്നെ വൈറലായി മാറിയിരിക്കുകയാണ്.