ഹെലികോപ്റ്ററില്‍ രക്ഷപ്പെടാന്‍ പേടിക്കുന്നവര്‍ അച്ചാമ്മ അമ്മച്ചിയെ കുറിച്ച് അറിയണം!
പ്രളയം മരണഭീതി ഉയര്‍ത്തുമ്പോഴും ഹെലികോപ്റ്ററില്‍ രക്ഷപ്പെടാന്‍ പേടിക്കുന്നവര്‍ അറിയണം തൊണ്ണൂറ്റിയൊന്‍പതാം വയസ്സിലും ഹെലികോപ്റ്ററില്‍ തൂങ്ങി പറക്കാന്‍ ധൈര്യം കാണിച്ച അച്ചാമ്മ ഡാനിയേലിന്റെ കഥ.
ഇന്നലെ രാവിലെ ഒന്‍പതരയോടെയാണ് വെണ്‍പാലയില്‍നിന്ന് അച്ചാമ്മ ഡാനിയേലിനെയും ബന്ധുക്കളായ രണ്ടു സ്ത്രീകളെയും വ്യോമസേന രക്ഷിച്ചത്.
വെണ്‍പാലയിലെ അച്ചാമ്മയുടെ വീടിനു തൊട്ടടുത്തുവരെ താഴ്‌ന്നെത്തിയ ഹെലികോപ്റ്ററിലേക്ക് അച്ചാമ്മയെ ബെല്‍റ്റിട്ട് ഉയര്‍ത്തിയശേഷം വ്യോമസേനാംഗം കോരിയെടുത്താണ് അകത്തേക്കു കയറ്റിയത്. തിരുവല്ല മാര്‍ത്തോമ്മാ കോളജില്‍ ഇവരെ സുരക്ഷിതമായി ഇറക്കി.
വ്യോമസേനാംഗം അച്ചാമ്മയെ കൈകളിലടുത്താണ് കോളജിലെ ക്യംപിലെത്തിച്ചത്. 'ഇവിടെയെത്തിയതുപോലും അറിഞ്ഞില്ല... എന്നോട് ഒന്നും ചോദിക്കാതെ കോരിയെടുത്ത് ഹെലികോപ്റ്ററില്‍ കയറ്റി..' അച്ചാമ്മ ഹാപ്പി. ക്യാംപിലെത്തിയ മന്ത്രി മാത്യു ടി.തോമസിനോടും അച്ചാമ്മ സന്തോഷം പങ്കുവച്ചു.
https://www.facebook.com/Malayalivartha
