പ്രളയജലത്തില്‍ നിന്നും കേരളത്തെ പിടിച്ചുകയറ്റിയ മത്സ്യത്തൊഴിലാളികള്‍ക്കും സൈന്യത്തിനും ഡാവിഞ്ചി സുരേഷിന്റെ ആദരം
കണ്ണീര്‍ മഴയില്‍ മുങ്ങിയ സംസ്ഥാനത്തെ ജനങ്ങളുടെ ജീവന്‍ രക്ഷിക്കാന്‍ വിശ്രമമില്ലാതെ കഷ്ടപ്പെട്ട സൈന്യത്തിനും മത്സ്യത്തൊഴിലാളികള്‍ക്കും നന്ദി അറിയിച്ച് പ്രശസ്ത കലാകാരന്‍ കൊടുങ്ങല്ലൂര്‍ സ്വദേശിയായ ഡാവിഞ്ചി സുരേഷ്.
ഒരു ജനതയുടെ മുഴുവന്‍ നന്ദിയും കടപ്പാടും അദ്ദേഹം ഉറക്കെ വിളിച്ചു പറഞ്ഞത് ഒരു കലാസൃഷ്ടിയിലൂടെയാണ്.
പ്രളയത്തില്‍ കേരളത്തെ താങ്ങിനിര്‍ത്തുന്ന മത്സ്യത്തൊഴിലാളികളും ആകാശത്തുനിന്ന് താങ്ങിയെടുക്കുന്ന ഹെലികോപ്ടറുമാണ് ഈ ശില്‍പത്തിലുള്ളത്.
ഈ കലാരൂപത്തിന്റെ ചിത്രം ഫേസ്ബുക്കിലൂടെ പങ്കുവച്ചപ്പോള്‍ അദ്ദേഹം ഇങ്ങനെ കുറിച്ചു.
ഒരു ദുരന്തത്തിന്റെ ഓര്‍മയ്ക്ക്.. ഒട്ടേറെ പേരെ ദുരിതക്കയത്തിലാക്കിയ പ്രളയ ദുരന്തം. ജീവന്‍ രക്ഷാപ്രവര്‍ത്തനത്തില്‍ മുഖ്യപങ്ക് വഹിച്ചവരെ എങ്ങനെ മറക്കാനാകും? ഇന്ത്യന്‍ സൈന്യത്തിനും കടലിന്റെ മക്കള്‍ക്കും ഈ ശില്‍പം സമര്‍പ്പിക്കുന്നു..'
https://www.facebook.com/Malayalivartha
