ഒരു ജോലിയ്ക്കു വേണ്ടി തന്റെ റസ്യുമെ തയ്യാറാക്കിത്തരുമോ എന്ന് ആവശ്യപ്പെട്ട കൗമാരക്കാരിയായ മകള്‍ക്ക് അച്ഛന്‍ എഴുതി നല്‍കിയ സിവി വൈറലാകുന്നു!
അച്ഛനോടൊരു സഹായം ചോദിച്ചപ്പോള്‍ അതിത്രകണ്ട് ശ്രദ്ധപിടിച്ചുപറ്റുമെന്ന് ആ മകള്‍ ഒരിക്കലും കരുതിയില്ല.
ഇംഗ്ലണ്ടിലെ ആ കൗമാരക്കാരി അച്ഛനെ സമീപിച്ചത് തനിക്ക് നല്ലൊരു സിവി തയാറാക്കി നല്‍കണമെന്ന് പറഞ്ഞാണ്.
എന്നാല്‍ മകള്‍ പ്രതീക്ഷിച്ചതിലും അതിഗംഭീരമായ ഒരു സി വി-യാണ് അച്ഛന്‍ തയാറാക്കി നല്‍കിയത്.
മകള്‍ക്കായി അച്ഛന്‍ തയാറാക്കിയ സി വി വായിച്ച് തലകുത്തി മറിഞ്ഞു ചിരിച്ച പലരും അച്ഛന്‍ ഇത്രയും സത്യസന്ധനാവണ്ടായിരുന്നു എന്നു പറഞ്ഞു പോവുകയാണ്.
ലോറെന്‍ മോര്‍ എന്ന 16-വയസ്സുകാരി പെണ്‍കുട്ടിക്കാണ് അക്കിടി പറ്റിയത്. മൂന്നോളം തലക്കെട്ടുകള്‍ നല്‍കിയാണ് മകളുടെ ഗുണഗണങ്ങളെക്കുറിച്ച് അച്ഛന്‍ വര്‍ണ്ണിച്ചത്!
തന്റെ കുറ്റങ്ങളും കുറവുകളും മാത്രം വര്‍ണ്ണിക്കുന്ന ആ റസ്യുമെ ട്വിറ്ററില്‍ പോസ്റ്റ് ചെയ്യാനുള്ള ആര്‍ജവം അവള്‍ കാട്ടുകയും ചെയ്തു.
ആ റസ്യുമെ ട്വിറ്ററില്‍ കണ്ട ഒരു തൊഴിലുടമയും നിനക്കിനി ജോലി തരില്ലെന്ന് ഒരാള്‍ കമന്റ് ചെയ്തയുടനെ മറ്റൊരാള്‍ മറുപടി കൊടുത്തു, ആ റസ്യുമെ പരസ്യപ്പെടുത്താനുള്ള ആത്മവിശ്വാസവും തുറന്ന പ്രകൃതവും അവള്‍ക്ക് ഉള്ളത് കൊണ്ട് ഞാനായിരുന്നെങ്കില്‍ തീര്‍ച്ചയായും അവള്‍ക്ക് അപ്പോള്‍ തന്നെ ജോലി കൊടുത്തേനെ എന്ന്!
https://www.facebook.com/Malayalivartha
