നദിയിലേക്കു മറിഞ്ഞ കാറിനുള്ളില്‍ നിന്നും യാത്രികനെ രക്ഷാപ്രവര്‍ത്തകര്‍ സാഹസികമായി രക്ഷിക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയയുടെ പ്രശംസ നേടുന്നു.

ചൈനയിലെ ഹെയ്ജിയാംഗ് പ്രവശ്യയിലാണ് സംഭവം.

നദിയില്‍ അതിശക്തമായ ഒഴുക്കുണ്ടെങ്കിലും ഒരു കല്ലില്‍ തടഞ്ഞാണ് കാര്‍ കുടുങ്ങി കിടന്നത്.

സംഭവം കണ്ടവര്‍ അറിയിച്ചതിനെ തുടര്‍ന്ന് ഇവിടെ എത്തിയ രക്ഷാപ്രവര്‍ത്തകര്‍ കരയില്‍ നിന്നും കാറിലേക്ക് ആദ്യം ഒരു കോവണി ഇട്ടു.

അതിനു ശേഷം സാഹസികമായി അദ്ദേഹത്തെ പുറത്ത് എത്തിക്കുകയായിരുന്നു.

ഇദ്ദേഹത്തെ രക്ഷിച്ചു കഴിഞ്ഞ ഉടനെ തന്നെ കാര്‍ ഒഴുക്കില്‍പ്പെട്ട് പോകുന്നതും വീഡിയോയില്‍ വ്യക്തമായി കാണാം.

സമീപമുണ്ടായിരുന്നവരിലൊരാളാണ് ഈ ദൃശ്യങ്ങള്‍ പകര്‍ത്തിയത്.