ഈ ലോകത്തില്‍ ഓരോരുത്തര്‍ക്കും ഓരോ തരം ഇഷ്ടങ്ങളാണ്. ചില വ്യക്തികളുടെ സ്വഭാവവിശേഷങ്ങള്‍ ചിലരെ സ്വാധീനിക്കുമ്പോള്‍ ആ വ്യക്തിയെപോലാകാന്‍ ചിലര്‍ ശ്രമിക്കാറുണ്ട്. ഒരു യുവാവിന് അത്തരത്തില്‍ ഒരു താത്പര്യം തോന്നിയത് അസ്തികൂടത്തോടാണ്. പിന്നീട് അസ്തികൂടത്തെ പോലെ ആകാനുള്ള ശ്രമങ്ങളായി. അതിനായി സ്വന്തം മൂക്കിന്റെ പകുതിയും ഇരു ചെവികളും മുഴുവനായും മുറിച്ച് കളഞ്ഞിരിക്കുകയാണ് ടാറ്റു ആര്‍ടിസ്റ്റായ കലാസ്‌ക സ്‌കള്‍. എറിക് യിനെര്‍ ഹിന്‍കാപ്പി റാമിറസ് എന്നാണ് അദ്ദേഹത്തിന്റെ യധാര്‍ത്ഥ പേര്.

രണ്ട് വര്‍ഷത്തെ കഠിന പരിശ്രമത്തിനൊടുവിലാണ് തന്റെ രൂപം അദ്ദേഹം ഇന്ന് കാണുന്ന വിധത്തില്‍ മാറ്റിയെടുത്തത്. ജീവിക്കുന്ന അസ്തികൂടം എന്നാണ് കലാസ്‌ക സ്വയം വിശേഷിപ്പിക്കുന്നത്. മൂക്ക് മുറിക്കല്‍, ചെവികള്‍ നീക്കം ചെയ്യല്‍ എന്നിങ്ങനെ കഠിനമായ വേദന സഹിച്ചാണ് അലാസ്‌ക അസ്തികൂടം പോലായത്. തന്റെ നാക്കും ഇദ്ദേഹം രണ്ടായി പിളര്‍ന്നിട്ടുണ്ട്. ദേഹമാസകലം ടാറ്റു ഉള്ള അലാസ്‌ക നാക്കിലും ചാര കളര്‍ ടാറ്റു ചെയ്തിട്ടുണ്ട്. വളരെ സൂക്ഷിച്ച് നോക്കിയാല്‍ മാത്രമാണ് ടാറ്റു ചെയ്ത മുഖത്തുള്ള കറുത്ത കണ്ണുകള്‍ കാണാന്‍ സാധിക്കുന്നത്.

കൊളമ്പിയന്‍ സ്വദേശിയാണ് 22-കാരനായ കലാസ്‌ക സ്‌കള്‍. മൂക്കും ചെവികളും മുറിക്കുന്ന ആദ്യ മനുഷ്യന്‍ എന്ന പേരിലാണ് കലാസ്‌കയുടെ വാര്‍ത്തകള്‍ പ്രചരിച്ചത്. വന്‍ ചര്‍ച്ചയായിരുന്നു ഇത്. ശരീരം മുഴുവന്‍ ഷേവ് ചെയ്ത് ടാറ്റു കുത്തിയിരിക്കുകയാണ് ഇയാള്‍. അമ്മയുടെ മരണത്തോടെയാണ് ഇത്തരത്തില്‍ ആകാന്‍ അലാസ്‌ക തീരുമാനിച്ചത്.

തനിക്ക് എപ്പോഴും അസ്തികൂടങ്ങളോട് താത്പര്യമായിരുന്നു. കുട്ടിയായിരുന്നുപ്പോള്‍ അമ്മയില്‍ നിന്നു തന്നെയാണ് രൂപമാറ്റത്തിനുള്ള പ്രചോദനം കിട്ടിയതെന്ന് അലാസ്‌ക പറയുന്നു. അസ്തികൂടങ്ങളുമായി തനിക്കൊരു മാനസിക ബന്ധമുണ്ടെന്നും ഇയാള്‍ പറയുന്നു. അസ്തികൂടം തനിക്ക് തന്റെ സ്വന്തം സഹോദരിയെ പോലെയാണ്. എന്റെ ജീവിതത്തിന്റെയും കുടുംബത്തിന്റെയും ഭാഗമാണ്, കലാസ്‌ക പറയുന്നു.

ഭാവിയിലേക്ക് അസ്തികൂടം പോലെ തന്നെ തോന്നിക്കാനായി ശരീരത്തില്‍ മാറ്റം വരുത്താനുള്ള ചില പദ്ധതികള്‍ കലാസ്‌ക തയ്യാറാക്കുന്നുണ്ട്. എന്നാല്‍ ഈ രൂപം പരിചയമില്ലാത്തവരില്‍ പേടിയാണ് ഉണ്ടാക്കുന്നതെന്ന് ചിലര്‍ അഭിപ്രായപ്പെടുന്നു.