ബോളിവുഡ് സംഗീതത്തിന് ഒരുമിച്ച് ചുവടുവെക്കുന്ന ഇന്ത്യാ-പാക് സൈനികര്‍
ബോളിവുഡ് സംഗീതത്തിനനുസരിച്ച് ഇന്ത്യാ-പാക് സൈനികര്‍ ഒരുമിച്ച് നൃത്തം ചെയ്തു. സ്‌നേഹത്തിന്റേയും സൗഹൃദത്തിന്റേയും ഊഷ്മളത കാണിക്കുന്നതാണ് ഓരോ ചുവടും.
ഇന്ത്യയില്‍ നിന്നും പാകിസ്ഥാനില്‍ നിന്നുമുള്ള സൈനികര്‍ ഒരേയിടത്ത് ഒത്തു കൂടിയതും, ബോളിവുഡ് സംഗീതത്തിനനുസരിച്ച് ചുവടുകള്‍ വച്ചതും ഷാന്‍ഖായി കോര്‍പറേഷന്‍ ഓര്‍ഗനൈസേഷന്‍ റഷ്യയില്‍ സംഘടിപ്പിച്ച ഭീകരവിരുദ്ധ പരിപാടിയിലാണ്.
ആഗസ്ത് 22 മുതല്‍ 29 വരെയായിരുന്നു സമ്മേളനം. അതില്‍ ചൊവ്വാഴ്ചയായിരുന്നു സൈനികര്‍ ഒരുമിച്ച് നൃത്തം ചെയ്തത് . മറ്റ് അംഗരാജ്യങ്ങളിലെ സൈനികരും പരിശീലനത്തില്‍ പങ്കെടുക്കാനെത്തിയിരുന്നു. എബിപി ന്യൂസാണ് വീഡിയോ പുറത്തുവിട്ടിരിക്കുന്നത്.
'ഭാരതീയ ദിവസ്' എന്ന് പേരിട്ട് ഇന്ത്യന്‍ ആര്‍മി സംഘടിപ്പിച്ച പരിപാടിയായിരുന്നു ചൊവ്വാഴ്ച. അതില്‍ എസ്.സി.ഒ യില്‍ അംഗങ്ങളായ മറ്റ് രാജ്യങ്ങളിലെ സൈനികരും പങ്കെടുത്തിരുന്നു.
പരിപാടിയിലേക്ക് ചൈനീസ്, പാക് സൈനികരെ ഇന്ത്യന്‍ സൈനികര്‍ സ്വാഗതം ചെയ്തത് ഇന്ത്യന്‍ സംസ്‌കാരത്തിന്റെ തനത് ശൈലിയില്‍ ആരതിയും, തിലകവും, തലപ്പാവും നല്‍കിയാണ്.
https://www.facebook.com/Malayalivartha
