കഴിഞ്ഞ 250 വര്‍ഷത്തിനിടെ, വിവാഹമോചനം നേടുന്ന ആദ്യത്തെ ബ്രിട്ടിഷ് പ്രധാനമന്ത്രിയായി ബോറിസ് ജോണ്‍സന്‍. ജോണ്‍സനും ഇന്ത്യന്‍ വംശജയായ മുന്‍ഭാര്യ മറീന വീലറും തമ്മിലുള്ള വിവാഹമോചനത്തിന്റെ ഔദ്യോഗിക നടപടികള്‍ പൂര്‍ത്തിയായി.

മുന്‍ഭാര്യ മറീനയ്ക്ക് ജോണ്‍സനുമായുള്ള 27 വര്‍ഷം നീണ്ട ദാമ്പത്യത്തില്‍ 4 മക്കളുണ്ട്. പഞ്ചാബുകാരിയായ ദീപ് സിങ്ങിന്റെയും ബിബിസി വിദേശകാര്യ കറസ്‌പോണ്ടന്റായിരുന്ന ചാള്‍സ് വീലറുടെയും മകളാണ് മറീന. 2018-ല്‍ വേര്‍പിരിഞ്ഞു.

ജോണ്‍സനും ഇപ്പോഴത്തെ പങ്കാളി ക്യാരി സിമന്‍സിനും കഴിഞ്ഞ 29-ന് ആണ്‍കുഞ്ഞു പിറന്നിരുന്നു.പ്രമുഖ അഭിഭാഷകയാണ് മറീന. അമ്മ ദീപ് സിങ്ങിനെക്കുറിച്ചുള്ള 'ദ് ലോസ്റ്റ് ഹോംസ്റ്റെഡ്' എന്ന പുസ്തകം ഉടന്‍ പുറത്തിറങ്ങും.