തട്ടിയെടുത്ത മോഷണ മുതല്‍ കള്ളന്മാര്‍ തിരിച്ചു നല്‍കി, കരയുന്നത് കണ്ടപ്പോള്‍ മനസ്സലിഞ്ഞു പോയി...!
പാക്കിസ്ഥാനിലെ കറാച്ചിയില്‍ നടന്ന ഒരു പിടിച്ചുപറിയുടെ സിസിടിവി വിഡിയോ സോഷ്യല്‍ മീഡിയയില്‍ വൈറലായതി. ഡെലിവറി ബോയിയെ കവര്‍ച്ച ചെയ്യാനെത്തിയ രണ്ട് കള്ളന്മാര്‍ ് യുവാവിന്റെ കരച്ചില്‍ കണ്ട് മോഷണ മുതല്‍ തിരിച്ചു കൊടുക്കുന്നതിന്റെ ദൃശ്യങ്ങളാണ് വ്യാപകമായി പ്രചരിച്ചത്.
ബൈക്കില്‍ രണ്ട് കള്ളന്മാര്‍ ഡെലിവറി പാക്കേജുമായി നില്‍ക്കുന്ന ഒരു യുവാവിന് സമീപത്ത് എത്തുന്നതാണ് ആദ്യം വിഡിയോയില്‍ കാണുന്നത്. കള്ളന്മാര്‍ ചെറുപ്പക്കാരന്റെ കയ്യിലുള്ള പാക്കറ്റ് പിടിച്ചു പറിച്ചു. ഇതോടെ ഡെലിവറി പാക്കേജുമായി നിന്ന യുവാവ് കരയാന്‍ തുടങ്ങി. അതുകണ്ട് മനസലിഞ്ഞ കള്ളന്മാര്‍ യുവാവിന്റെ കൈയ്യിലെ പാക്കറ്റ് തിരിച്ചു കൊടുക്കുകയായിരുന്നു.
മാത്രമല്ല സംഘത്തിലെ ഒരു ചെറുപ്പക്കാന്‍ കെട്ടിപ്പിടിച്ച് ആശ്വസിപ്പിക്കുകയും മറ്റേയാള്‍ ഹസ്തദാനം നല്‍കുകയും ചെയ്തു. ഇതിനു ശേഷം കള്ളന്മാര്‍ ബൈക്കുമെടുത്ത് പോകുകയായിരുന്നു.
പാകിസ്ഥാനി ന്യൂസ് പോര്‍ട്ടലായ എക്സ്പ്രസ് ട്രിബ്യൂണ്‍ ആണ് ട്വിറ്ററില്‍ ഈ രസകരമായ വീഡിയോ പോസ്റ്റ് ചെയ്തത്. ഇതിനകം ഒരുലക്ഷത്തിനടുത്ത് വ്യൂസ് ആണ് ഈ വീഡിയോയ്ക്ക് ലഭിച്ചത്.
https://www.facebook.com/Malayalivartha
