പലപ്പോഴും വളർത്ത് മൃഗങ്ങൾ തമ്മിലുള്ള സ്നേഹം നമ്മെ അമ്പരപ്പിക്കാറുണ്ട്. അത്തരത്തിൽ വളരെ കൗതുകമുണർത്തുന്ന സ്നേഹ പ്രകടനമാണ് ഇപ്പോൾ എല്ലാവരിലും കൗതുകമുണർത്തുന്നത് ..
ഫാമിൽ വളർത്തുന്ന പശുക്കളും പൂച്ചയും തമ്മിലുള്ള അപൂർവ സൗഹൃദത്തിന്റെ ദൃശ്യമാണ് ഇപ്പോൾ സമൂഹമാധ്യമങ്ങളിൽ നിറയുന്നത്. യുക്രെയ്നിലെ കീവിലുള്ള ഒരു ഫാമിൽ നിന്നുള്ളതാണ് ഈ ദൃശ്യം.

സെർജി വാസിലേവിഷ് ആണ് ഫാമിൽ നിന്ന് അപൂർവ ദൃശ്യങ്ങൾ പകർത്തിയതും സമൂഹമാധ്യമങ്ങളിലൂടെ പങ്കുവച്ചതും. ആയിരക്കണക്കിന് ആളുകളാണ് ഇതിനകം വീഡിയോ പങ്ക് വെച്ചിട്ടുള്ളത്

പശുക്കൾ സ്നേഹം പ്രകടിപ്പിക്കുന്നത് അവയുടെ നാവുകൊണ്ട് നക്കിത്തുടച്ചാണ്. ഫാമിലെത്തിയ പൂച്ചയെ അവിടുത്തെ പശുക്കൾ ചേർന്ന് അതിന്റെ ശരീരമാകെ നക്കിത്തുടയ്ക്കുന്ന കൗതുകകരമായ കാഴ്ചയാണ് ദൃശ്യത്തിൽ ഉള്ളത് .

പശുക്കൾ നക്കിത്തുടയ്ക്കുമ്പോൾ പൂച്ച സ്നേഹത്തോടെ പശുക്കളുടെ സ്നേഹം അനുഭവിച്ച് ചേർന്നിരിക്കുന്നുമുണ്ട് .. പൂച്ചയുടെ തല മുതൽ വാലുവരെ പശുക്കൾ നക്കിത്തുടച്ചു. ഈ അപൂർവ സൗഹൃദത്തിന്റെ ദൃശ്യം കാണാം