ചെറുതുരുത്തി അത്തിക്കപ്പറമ്പ് കല്യാകുളം കല്ലഴികുന്നത്ത് മുഹമ്മദ് ഷെരീഫിന്റെ വീട്ടുവളപ്പില്‍ ഏതാനും ദിവസങ്ങള്‍ക്ക് മുന്‍പ് കാട്ടുപന്നി 8 കുട്ടികളെ പ്രസവിച്ചു. തിങ്കളാഴ്ച രാവിലെ 4 കുട്ടികളെയും കൊണ്ട് പന്നി കാടു കയറുകയും ചെയ്തു. ശേഷിക്കുന്ന 4 കുട്ടികളുടെ കാര്യം വീട്ടുകാര്‍ വനപാലകരെ വിളിച്ച് അറിച്ചു.

ഉച്ചയ്ക്ക് വനപാലകരെത്തി പന്നിക്കുട്ടികളെ കൊണ്ടുപോയി. എന്നാല്‍ വൈകിട്ടോടെ തള്ളപ്പന്നി കുട്ടികളെ തിരഞ്ഞെത്തി. ദിവസങ്ങള്‍ മാത്രം പ്രായമുള്ള മക്കളെ തേടി പന്നി അലഞ്ഞു നടക്കുന്നത് കണ്ട വീട്ടുകാര്‍ വിവരം വനപാലകരെ അറിയിക്കുകയും വനപാലകര്‍ പന്നിക്കുഞ്ഞുങ്ങളേയും കൊണ്ട് തിരികെ വന്ന് അവയെ പന്നിയുടെ അടുത്തേക്ക് വിടുകയായിരുന്നു.

മായന്നൂര്‍ ഫോറസ്റ്റ് സ്റ്റേഷനിലെ ഡപ്യൂട്ടി റേഞ്ച് ഫോറസ്റ്റ് ഓഫിസര്‍ പി.വിനോദിന്റെ നേതൃത്വത്തിലാണ് പന്നിക്കുഞ്ഞുങ്ങളെ തിരികെയെത്തിച്ചത്.